Дар Пекин доир ба саҳми Пешвои миллат дар истиқрори сулҳ ва ваҳдати миллӣ дар Тоҷикистон мизи мудаввар баргузор гардид
ДУШАНБЕ, 02.07.2022 /АМИТ «Ховар»/. 30 июн дар шаҳри Пекин мизи мудаввар дар мавзӯи «Президенти Ҷумҳурии Тоҷикистон — меъмори сулҳ ва ваҳдати миллӣ дар Тоҷикистон» баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Сафири Тоҷикистон дар Чин Зоҳир Саидзода дар суханронии ифтитоҳии худ дар бораи саҳми Президенти мамлакат, Пешвои миллат ҳамчун меъмори сулҳ дар Тоҷикистон дар таъмин намудани сулҳу оромӣ, суботи сиёсӣ ва ваҳдати миллӣ дар Ватан, ташаббусҳои ҷаҳонӣ ва дастовардҳои назарраси кишвар дар арсаи ҷаҳонӣ, алалхусус тақвияти кунунии равобити Тоҷикистону Чин дар ростои 30-солагии истиқрори муносибатҳои дипломатӣ таъкид намуд.
Дар ҳошияи ин ҳамоиш дар шакли маҷозӣ муовини Президенти Академияи миллии илмҳои Ҷумҳурии Тоҷикистон профессор Абдураҳмон Муҳаммад ва сардори Раёсати таҳлил ва ояндабинии сиёсати дохилии Маркази тадқиқоти стратегии назди Президенти Ҷумҳурии Тоҷикистон Маъруф Абдуҷаборов, инчунин аз соири иштирокдорон дар шакли ҳузурӣ муовини Котиби генералии Созмони ҳамкории Шанхай Сохайл Хан, директори тадқиқоти Аврупои Донишгоҳи байналмилалии Чин Хан Лу, роҳбарияти муассисаи таълимии Русия, Аврупои Шарқӣ ва кишварҳои Осиёи Марказии Чин ва дигар муассисаҳои илмии ин кишвар суханронӣ карданд.
Ба ҳозирин филми мустанад дар бораи таърихи истиқлолияти кишвар ва саҳми беназири Пешвои миллат дар истиқрори сулҳ ва ваҳдати миллӣ, ба имзо расидани Созишномаи умумии сулҳ ва ризоияти миллӣ, баргардонидани гурезагон ба Ватан, ташаккулёбии давлати соҳибистиқлоли тоҷикон ва сиёсати хирадмандонаи Роҳбари давлат дар арсаи байналмилалӣ ба таваҷҷуҳи меҳмонон манзур гардид.
Акс: ВКХ ҶТ
Сафири Тоҷикистон бо Вазири тиҷорати хориҷии Амороти Муттаҳидаи Араб мулоқот намуд
Таҳкими ҳамкории Тоҷикистон ва Арабистони Саудӣ дар самти ҳифзи ҳуқуқи инсон баррасӣ шуд
Сафири Тоҷикистон бо Вазири нафти Давлати Кувайт мулоқот намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
