НИШАСТИ МАТБУОТӢ. 148 нафар хатмкардагони Донишгоҳи давлатии Данғара ба хизмат дар сафи Қувваҳои Мусаллаҳи Тоҷикистон ҷалб гардиданд
ДУШАНБЕ, 20.07.2022 /АМИТ «Ховар»/. Аз теъдоди умумии хатмкардагони Донишгоҳи давлатии Данғара 148 нафар дар 3 давра бо назардошти супоридани имтиҳонҳои давлатӣ, ҳимояи рисолаи хатм ва имтиҳони давлатӣ дар кафедраи ҳарбӣ барои хизмат дар сафи Қувваҳои Мусаллаҳи Ҷумҳурии Тоҷикистон ҷалб гардида, 28 нафар донишҷӯён дар доираи курси 1-4 ихтиёран ба Артиши миллӣ сафарбар гардиданд. Дар ин бора ректори Донишгоҳи давлатии Данғара Нуралӣ Шоҳиён зимни нишасти матбуотӣ изҳори назар намуд, хабар медиҳад АМИТ «Ховар».
Зикр шуд, ки соли равон зинаи бакалаври таҳсилоти рӯзонаро 1239 нафар, аз ҷумла 434 нафар ба тарзи таҳсили буҷавӣ, 805 нафар ба тарзи таҳсили шартномавӣ, 25 нафар дар асоси квотаи президентӣ хатм намуда, дар зинаи бакалаври таҳсилоти фосилавӣ 365 нафар (51 нафар ба тарзи таҳсили буҷавӣ, 314 нафар ба тарзи таҳсили шартномавӣ) ва дар зинаи магистратура 107 нафар (26 нафар ба тарзи таҳсили буҷавӣ, 81 нафар ба тарзи таҳсили шартномавӣ) донишгоҳро хатм намуданд.
Дар соли таҳсили 2021-2022 теъдоди умумии хатмкунандагони донишгоҳ бо дипломи аъло 36 нафар дар таҳсилоти рӯзона ва 5 нафар дар зинаи магистратураро ташкил медиҳад.
Дар соли таҳсили 2021-2022 махсусан дар доираи нишасти матбуотӣ тасдиқи мавзуъҳо ва дараҷаҳои илмии номзадӣ, унвони докториро 3 нафар омӯзгорони донишгоҳ ба даст оварданд. То 31 декабри соли 2022 ба ҳимоя омода гардидани боз 25 нафар омӯзгорону кормандон дар назар дошта шудааст.
Дар давраи ҳисоботӣ дар се давра устодони донишгоҳ ба Словакия, Полша ва Фаронса сафар намуда, бо таҷрибаи муосири таълимгоҳҳои олии Иттиҳоди Аврупо шинос ва соҳиби сертификатҳои байналмилалӣ гардиданд. Онҳо дар Донишгоҳи давлатии Данғара пайваста трениингҳо мегузаронанд.
АКС: Донишгоҳи давлатии Данғара
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
