ТОҶИКИСТОН БА ИДОРАКУНИИ ҲАВЗАВИИ ЗАХИРАҲОИ ОБ МЕГУЗАРАД. Дар ин бора имрӯз Директори Агентии беҳдошти замин ва обёрии назди Ҳукумати ҶТ Холмурод Раҳмон хабар дод
ДУШАНБЕ, 25.07.2022. /АМИТ «Ховар»/. Агентии беҳдошти замин ва обёрии назди Ҳукумати Ҷумҳурии Тоҷикистон дар доираи Барномаи «Беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2019-2023» ба системаи идоракунии ҳавзавии захираҳои об мегузарад. Барои амалӣ гардидани ин иқдом дар Тоҷикистон 5 минтақаи ҳавзавӣ ва зиёда аз 18 зерминтақаи ҳавзавӣ таъсис дода шудаанд.
Дар ин бора имрӯз дар нишасти матбуотии ин ниҳод Директори Агентии беҳдошти замин ва обёрии назди Ҳукумати Ҷумҳурии Тоҷикистон Холмурод Раҳмон ба хабарнигорон маълумот дод.
Ба гуфти мавсуф, барои амалӣ намудани идоракунии ҳавзавии захираҳои обӣ, ҳавзаҳои дарёӣ ва иншооти обии зеризаминии ба онҳо алоқаманд чунин минтақаҳои ҳавзавӣ ташкил карда мешаванд: минтақаи ҳавзавии Сирдарё, минтақаи ҳавзавии дарёи Зарафшон, минтақаи ҳавзавии дарёи Панҷ, минтақаи ҳавзавии дарёи Вахш ва минтақаи ҳавзавии дарёи Кофарниҳон.
Дар ин самт дар Агентӣ аллакай қадамҳои нахустин гузошта шуданд: дар идораҳои давлатии Агентии беҳдошти замин ва обёрӣ дар ноҳияҳои Носири Хусрав, Шаҳритус ва Қубодиён зерминтақаи ҳавзавии поёноби дарёи Кофарниҳон ташкил карда шуд. Дар вилояти Суғд минтақаи ҳавзавии дарёи Зарафшон ва идораи ҳавзавӣ таъсис дода шуда, дар он идораи давлатии Панҷакент ва Айнӣ якҷоя карда шуданд. Инчунин суратҳисоби онҳо бо усули биллингӣ фаъол шуда, пардохти ғайринақдӣ ба роҳ монда мешавад.
«Ин таҷриба давра ба давра дар тамоми мамлакат амалӣ мегардад», — илова намуд Холмурод Раҳмон.
Дар ҷараёни нишаст зикр шуд, ки дар шаш моҳи соли равон дар доираи Барномаи «Беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2019-2023» ба маблағи 6,8 млн сомонӣ корҳои мелиоративӣ ба анҷом расонида шуда, ҳолати ғайриқаноатбахши мелиоративии 6227 гектар заминҳо беҳтар карда шудааст.
Бо мақсади бо оби полезӣ таъмин намудани обистифодабарандагон дар мавсими имсола аз ҷониби Идораи давлатии беҳдошти замин ва обёрии шаҳру ноҳияҳо бо 62540 нафар истифодабарандагони об (нисбат ба соли гузашта 2447 нафар зиёд), аз ҷумла 346 Ассосиатсияи истифодабарандагони об дар майдони 548 561 гектар (нисбат ба соли гузашта 3027 гектар зиёд) шартномаи доду гирифти об ба имзо расонида шудааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Ҷопон хостори тақвияти ҳамкории байнибонкӣ бо Тоҷикистон мебошад
Дар ҷаласаи 56-уми Комиссияи омории СММ масъалаи барӯйхатгирии аҳолии Тоҷикистон баррасӣ гардид
Дурнамои нишондиҳандаҳои асосии рушди иҷтимоию иқтисодии шаҳру ноҳияҳои Тоҷикистон дар соли 2026 баррасӣ шуд
Дурнамои тақвияти ҳамкории Тоҷикистон бо Ҳиндустон, Эрон ва Покистон дар соҳаи саноат баррасӣ шуд
Раиси Девони вазирон — Роҳбари Дастгоҳи Президенти Ҷумҳурии Қирғизистон бо ҷараёни корҳои сохтмонӣ дар Неругоҳи барқи обии «Роғун» шинос шуд
Доир ба муаррифии ҷашнҳои миллӣ тавассути ВАО ва саҳифаҳои иҷтимоии блогерон вохӯрӣ баргузор шуд
Рушди ҳамкории кишоварзӣ байни Тоҷикистон ва Русия баррасӣ гардид
Ҷаласаи Кумитаи тадорукот оид ба омодагӣ ва иштироки Тоҷикистон дар Намоишгоҳи байналмилалии ЭКСПО-2025 дар Осака доир шуд
Бонки миллии Тоҷикистон сабикаҳои ченакии тиллоро бо вазнҳои 5, 10, 20, 50 ва 100 грамм ба фурӯш баровард
Дар Тоҷикистон «Стратегияи миллии бехатарии ҳаракат дар роҳ» таҳия мегардад
Ширкати фаронсавии EDF дар дарёи Зарафшон корҳои омӯзишӣ мегузаронад
Ҳамкории Тоҷикистон ва Бонки Осиёии рушд оид ба рушди инноватсия ва технологияҳои рақамӣ таҳким меёбад
