Дар Хоруғ оид ба мубодилаи электронии ҳуҷҷатҳо дар мақомоти давлатӣ даври сайёри такмили ихтисос гузаронида шуд
ДУШАНБЕ, 13.08.2022 /АМИТ «Ховар»/. Аз 8 то 11 август дар шаҳри Хоруғи Вилояти Мухтори Кӯҳистони Бадахшон барои хизматчиёни давлатии мақомоти маҳаллии шаҳру ноҳияҳои вилоят аз рӯйи барномаи «Мубодилаи электронии ҳуҷҷатҳо дар мақомоти давлатӣ» даври сайёри такмили ихтисос баргузор шуд.
Тавре ба АМИТ «Ховар» дар Агентии хизмати давлатии назди Президенти Ҷумҳурии Тоҷикисон хабар доданд, барои шунавандагони даври сайёри такмили ихтисос барномаи махсуси таълимӣ омода карда шуда, тибқи барномаи мазкур, мавзӯъҳои мубрам вобаста ба омӯзиши санадҳои меъёрӣ- ҳуқуқии соҳаи хизмати давлатӣ, хизматрасонии электронӣ дар иқтисоди рақамӣ, фаъолияти шабакавии хизматчиёни давлатӣ дар шароити татбиқи ҳукумати электронӣ, арзишҳои миллӣ ва нақши онҳо дар ташаккули худшиносии миллӣ, сиёсати давлатӣ оид ба иттилоот ва таъмини амнияти иттилоотӣ, фарҳанги истифодаи интернет ва мубодилаи ҳуҷҷатҳо дар шакли электронӣ дар фаъолияти мақомоти давлатӣ аз ҷониби мутахассисони Агентии хизмати давлатӣ ва устодони Академияи идоракунии давлатӣ дар шакли маъруза мубоҳисаҳо гузаронида шуданд.
Дар ҷамъбасти даври мазкур муовини директори Агентии хизмати давлатии назди Президенти Ҷумҳурии Тоҷикистон Дилноза Аҳмадзода, ноиби ректори Академияи идоракунии давлатии назди Президенти Ҷумҳурии Тоҷикистон Исмоил Абдуалимзода, муовини директори Донишкадаи такмили ихтисос ва бозомӯзии хизматчиёни давлатии Академия Зоҳир Қодиров ва мудири шуъбаи кадрҳо ва корҳои махсуси дастгоҳи раиси ВМКБ Хуҷаназар Имомназар иштирок намуданд.
Муовини директори Агентии хизмати давлатӣ Дилноза Аҳмадзода аз рӯи барномаи таълимӣ дар мавзӯи «Заминаҳои меъёрӣ- ҳуқуқии соҳаи хизмати давлатӣ» маъруза-суҳбат доир намуд.
Дар фарҷом ба шунавандагони даври сайёр гувоҳнома супорида шуд.
АКС: Агентии хизмати давлатии назди Президенти ҶТ
Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
