Хонандагони шаҳри Кӯлоб дар лагери беруназшаҳрии «Шарора»-и Муъминобод ба истироҳат фаро гирифта шуданд
КӮЛОБ, 24.08.2022 /АМИТ «Ховар»/. Имсол вобаста ба имконият як гурӯҳ хонандагони муассисаҳои таълимии шаҳри Кӯлоб дар лагерҳои наздимактабӣ ба истироҳат фаро гирифта шуданд. Ҳамзамон маорифчиён кӯшиданд дар лагери беруназшаҳрии «Шарора», ки дар ноҳияи Муъминобод ҷойгир аст, хонандагонро ба истироҳати бофароғат фаро гиранд. Лагери мазкур муддати ду сол фаъолият намекард ва аксари биною иншооти он таъмирталаб гардида буд.
Сардори Раёсати маорифи шаҳри Кӯлоб Қадамшо Ҳакимзода ба хабарнигори минтақавии АМИТ «Ховар» Сулаймон ХОЛЗОДА иттилоъ дод, ки имсол дар лагери беруназшаҳрӣ дар ду баст 265 нафар хонандагон ба истироҳат фаро гирифта шуданд. Аз фаъолияти басти дуюми лагери беруназшаҳрии мактаббачагони шаҳри Кӯлоб беш аз як ҳафта сипарӣ шуд ва наврасон баъди чанд рӯзи дигар ба хона баргашта, барои ба мактаб рафтан омодагӣ мегиранд”.
Ба иттилои сардори Раёсати маорифи шаҳри Кӯлоб, “бо дастгирии иттифоқи касабаи вилояти Хатон ва шаҳри Кӯлоб моҳи июл басти аввали лагер дар истироҳатгоҳи беруназшаҳрии «Шарора» ташкил карда шуд. Дар басти аввал мактаббачагони шаҳри Кӯлоб ба истироҳату фароғат фаро гирифта шуданд. Баъди анҷоми басти аввал моҳи август басти дуюм оғоз гардид. Инак мактаббачагон дар мавзеи хушманзараи ноҳияи Муъминобод истироҳат карда истодаанд. Масъулони лагер реҷаи рӯз тартиб додаанд, ки аз рӯи он истироҳаткунандагон ба бозиҳои варзишӣ, барномаҳои фарҳангӣ- маърифатӣ ва сайру гашт фаро гирифта мешаванд”.
Мактаббачагон дар ин лагер худро хеле озод ҳис мекунанд ва мехоҳанд соли оянда низ дар таътили тобистона ба инҷо ба истироҳат оянд. Имсол дар таътили тобистона шуъбаи маориф тавонист дар ду баст лагер ташкил намояд.
Масъулин тасмим гирифтаанд, ки соли оянда дар се баст беш аз 400 нафар мактаббачагонро дар ин лагер ба фароғат фаро гиранд. Баъд аз чанд рӯз соли нави хониш оғоз меёбад ва мактаббачагон баъди истироҳат бо рӯҳи болида вориди муассисаҳои таълимӣ мегарданд.
АКС: АМИТ «Ховар»
Тоҷикистон ва Амрико ҳамкориро дар соҳаи тандурустӣ ва ҳифзи иҷтимоӣ густариш медиҳанд
Дар ноҳияҳои Темурмалик, Восеъ, Шамсиддини Шоҳин ва шаҳри Кӯлоб бо иштироки Сарвазири Тоҷикистон иншооти таъйиноти гуногун ифтитоҳ гардид
Дар Душанбе даври ниҳоии Озмуни ҷумҳуриявии «Малакаи касбӣ» оғоз гардид
Дар Тоҷикистон барои муайян кардани иллатҳои ирсии модарзод табодули таҷриба анҷом дода шуд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
