Дастаҳои мунтахаби Тоҷикистон ва Россия 17 ноябр дар Душанбе бозии дӯстона анҷом медиҳанд

ДУШАНБЕ, 29.10.2022 /АМИТ «Ховар»/. Федератсияи футболи Тоҷикистон ва Иттиҳодияи футболи Россия барои баргузории бозии дӯстона миёни дастаҳои миллии ду кишвар ба мувофиқа расиданд. Дар ин бора ба АМИТ «Ховар» дар Федератсияи футболи Тоҷикистон хабар доданд.

Бозии дастаҳои Тоҷикистону Россия 17 ноябр дар Варзишгоҳи марказии ҷумҳуриявии шаҳри Душанбе баргузор мешавад, ки он метавонад 20 ҳазор тамошобин ҷамъ оварад. Бозӣ соати 20:00 оғоз мешавад.

Қаблан Тоҷикистон ва Россия дар сатҳи дастаҳои миллӣ ҳеҷ гоҳ вонахӯрда буданд.

Ёдовар мешавем, ки дар раддабандии ФИФА дастаи мунтахаби Россия дар зинаи 33-юм ва тими миллии Тоҷикистон дар мавқеи 108-ум ҷой гирифтаанд.

Бозии дӯстона

17 ноябр (душанбе)

Оғоз соати 20:00

ТОҶИКИСТОН –Россия

Душанбе, Варзишгоҳи марказии ҷумҳуриявӣ

Акс: ФФТ