ОБ ЗАХИРА НАМОЕД! Дар баъзе маҳаллаҳои шаҳри Душанбе интиқоли оби нӯшокӣ муваққатан қатъ мегардад

 ДУШАНБЕ, 28.10.2022. /АМИТ «Ховар»/. Имрӯз аз соати 23:00 то соати 06:00-и 29 октябри соли 2022 интиқоли оби нӯшокӣ дар баъзе  маҳаллаҳои пойтахт муваққатан қатъ мегардад. Дар ин бора ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Бо мақсади иҷрои корҳои таъмирию васлкунии таҷҳизот дар истгоҳи обтаминкунии «Фишорӣ» дар минтақаҳои зерин интиқоли оби нӯшокӣ муваққатан қатъ мегардад:

— ноҳияи Исмоили Сомонӣ,  хиёбони Рӯдакӣ (аз кӯчаи Бухоро то кӯчаи С. Ғанӣ), хиёбони Исмоили Сомонӣ, кӯчаҳои М. Турсунзода, Шевченко, Шероз, С. Носир, Шоҳтемур, Ф. Ниёзӣ, А. Командир, М. Холов, Л. Шералӣ, Ғ. Абдулло, Азизбеков, Ф. Шаҳобов, Л. Толстой, М. Миршакар, Пушкин ва Теҳрон;

— ноҳияи Сино, маҳаллаҳои Шараф, Ал-Берунӣ, Беморхонаи клиникии ҷумҳуриявии №3 ба номи Дяков, Муассисаи давлатии «Боғи ҳайвоноти шаҳри Душанбе», КВД «Варзишгоҳи марказии ҷумҳуриявӣ», ҶДММ «Кохи Наврӯз» ва кӯчаи Варзишгарон.

Аз ин лиҳоз, аз шаҳрвандони хоҳиш карда мешавад, ки дар ин рӯз миқдори зарурии обро захира намоянд.

АКС аз манбаъҳои боз