ТАНҲО БО РОҲИ ДИПЛОМАТӢ. Гурӯҳҳои топографии Тоҷикистон ва Қирғизистон гузариши хатҳоро дар сарҳади муштарак баррасӣ намуданд
ДУШАНБЕ, 17.10.2022 /АМИТ «Ховар»/. Гурӯҳҳои кории топографии Тоҷикистон ва Қирғизистон оид ба делимитатсия ва демаркатсияи сарҳади муштарак 10-15 октябр дар Душанбе масъалаи гузариши хати қитъаҳои боқимондаи марзро баррасӣ карданд. Дар ин бора рӯзи шанбе дар маркази матбуоти Вазорати корҳои хориҷии Тоҷикистон хабар доданд.
«Тарафҳо оид ба гузариши хати сарҳади давлатии Тоҷикистон ва Қирғизистон дар қитъаҳои боқимонда табодули афкор намуда, ба мувофиқа расиданд, ки муҳокимаро зимни мулоқоти навбатӣ, ки дар қаламрави Ҷумҳурии Қирғизистон доир мегардад, идома диҳанд», — омадааст дар иттилоия.
Ёдовар мешавем, ки 13 октябр аз рӯи натиҷаҳои мулоқоти роҳбарони Россия, Тоҷикистон ва Қирғизистон дар Остона миёни Душанбе ва Бишкек тавофуқ ҳосил шуд, ки кори гурӯҳҳои ҳукуматӣ оид ба делимитатсия ва демаркатсияи сарҳади муштарак фаъол гардонида шуда, ҳама мушкилоти бамиёномада танҳо тавассути роҳҳои дипломатӣ ҳал карда шаванд.
Моҳи сентябр дар хати сарҳад миёни Тоҷикистон ва Қирғизистон муноқишаҳои низомӣ рух доданд. Ҷангҳо бо истифода аз аслиҳаи вазнин 14 сентябр дар мавзеи Кехи минтақаи Ворухи Тоҷикистон оғоз шуда, то 17 сентябр дар қитъаҳои алоҳидаи марзи муштарак идома ёфтанд.
Акс: ВКХ ҶТ
Тоҷикистон бо Ботсвана муносибатҳои дипломатӣ барқарор намуд
Дар Душанбе машваратҳои сиёсӣ байни Тоҷикистон ва Латвия баргузор шуданд
Вазири корҳои хориҷии Узбекистон муносибатҳои дуҷонибаро бо Тоҷикистон мусбат арзёбӣ намуд
МУБОРАК БОШАД! «Ҷашни Сада» ба Феҳристи мероси ғайримоддии башарият ворид гардид
НАВИДИ ФАРҲАНГӢ! «Тазҳиб – санъати зарҳалкорӣ» ба Феҳристи мероси ғайримоддии башарияти ЮНЕСКО ворид шуд
Сафири Тоҷикистон дар Туркия бо волии вилояти Денизли мулоқот намуд
НАВИДИ ФАРҲАНГӢ! «Анъанаи бофтани атласу адрас» ба Феҳристи мероси ғайримоддии башарияти ЮНЕСКО ворид шуд
Дар Остона «Бренди миллии Тоҷикистон» муаррифӣ гардид
Сафири Тоҷикистон бо волии вилояти Айдини Туркия мулоқот намуд
Сафири Тоҷикистон бо Мудири генералии Маркази обии Женева мулоқот намуд
Намояндаи Тоҷикистон дар ҷаласаи 7-уми Гурӯҳи кории UNECE оид ба шарикии давлат ва бахши хусусӣ иштирок намуд
Ҳамкории минтақаҳои Тоҷикистон бо вилояти Измири Туркия баррасӣ гардид
