Дар Донишкадаи политехникии шаҳри Хуҷанд истифодаи босамари энергияро баррасӣ карданд

Декабрь 31, 2022 09:26

ДУШАНБЕ, 31.12.2022 /АМИТ «Ховар»/. Мавзӯъҳои «Муаммоҳои тайёр намудани кадрҳои муҳандисӣ дар системаи маълумоти олии касбӣ дар соҳаи электроэнергетика ва электротехника», «Физика ва техникаи табдилдиҳии энергияи пневматикии баландфишор ба энергияи электрикӣ», «Сарфаи барқ ва истифодаи босамари энергия» ва ғайра дар конференсияи илмӣ – амалии ҷумҳуриявӣ таҳти унвони «Технологияҳои муосир дар электроэнергетика ва саноат» дар Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд муҳокима гардиданд. Дар ин бора АМИТ «Ховар» бо истинод ба Донишкадаи политехникӣ хабар медиҳад.

Зикр шуд, ки муҳимтарин дастовардҳои соҳа- ин мавриди истифода қарор гирифтани иқтидори нави тавлиди неруи барқ,  ба монанди неругоҳҳои барқи обии «Сангтӯда 1», «Сангтӯда-2», Маркази барқу гармидиҳии Душанбе 2, сохтмони зеристгоҳҳои барқии 500 кВ «Душанбе-500», «Суғд-500», «Дастгоҳи тақсимкунандаи пӯшидаи элегазии 500 кВ дар НБО-и Норак», хати интиқоли барқи 500 кВ «Ҷануб-Шимол», зеристгоҳҳои барқии 220 кВ «Лолазор», «Хатлон», «Айнӣ», «Шаҳристон», «Шаҳринав», «Геран-2», «Дастгоҳҳои тақсимкунандаи пӯшидаи элегазии 220 кВ дар НБО-и Норак» ва НБО-и «Қайроққум» ва ғайра ба шумор мераванд.

Гузашта аз ин ташаббуси навбатии Пешвои миллат оид ба эълон намудани соли 2025 — Соли байналмилалии ҳифзи пиряхҳо аз ҷониби Маҷмаи Умумии Созмони Милали Муттаҳид қабул гардид, ки онро ҷомеаи ҷаҳонӣ бо хушнудӣ пазируфт. Ин ташаббус ба рушди «энергетикаи сабз» дар минтақа хеле саривақтӣ ва манфиатовар аст.


Дар конференсия гуфта шуд, ки бо дастгирии раёсати донишкада солҳои охир пояи моддию техникии кафедраи таъминоти барқ ва автоматика тадриҷан мустаҳкам гаштааст. Ҳоло дар назди ин кафедра 6 озмоишгоҳи бо таҷҳизоти муосир ҷиҳозонидашуда фаъолият мебаранд, ки ба гузаронидани машғулияти озмоишӣ, корҳои илмиву тадқиқотӣ аз тарафи донишҷӯён, магистрантону докторантон мусодат мекунанд.

Давоми даҳ соли охир зинаи бакалавриатро зиёда аз 1500 нафар, зинаи магистратураро 140 нафар ва зинаи докторантураро 12 нафар хатм намуданд. Ин мутахассисон дар корхонаҳои истеҳсолӣ ва шабакаҳои барқии вилоят ва мамлакат муваффақона фаъолият мебаранд.

АКС: Донишкадаи политехникии Донишгоҳи техникии Тоҷикистон ба номи академик М.С.Осимӣ

Декабрь 31, 2022 09:26

Хабарҳои дигари ин бахш

Фаъолияти низоми суғуртаи Тоҷикистон дар соли 2023 натиҷагирӣ гардид
Вазъи кунунии фаъолияти соҳибкорӣ дар Тоҷикистон мавриди баррасӣ қарор гирифт
ПЕШОМАДҲОИ РУШДИ УСТУВОРИ ПАХТАКОРӢ ДАР ТОҶИКИСТОН». Доир ба он дар Душанбе конференсияи байналмилалӣ оғоз ёфт
Дар Душанбе дурнамои густариши ҳамкории тиҷоратӣ байни Тоҷикистон ва Эрон баррасӣ шуд
Доир ба ҳамкории иқтисодию тиҷоратии Тоҷикистон ва Арабистони Саудӣ ҷаласаи навбатии комиссияи муштарак баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
Тавсеаи ҳамкории Тоҷикистон ва Созмони Милали Муттаҳид дар самти ҳифзи муҳити зист муҳокима шуд
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Кишоварзони Ҷамоати деҳоти Зиракии шаҳри Кӯлоб кишту кори баҳориро оғоз намуданд
Ширкати Гурӯҳи портҳои Абузабӣ барои таъсиси Маркази логистикию транзитӣ ва содироти молҳо дар Душанбе маблағгузорӣ менамояд
РОҲ НАДОДАН БА ПАҲНШАВИИ МАЛАХ. Ҷаласаи ситоди ҷумҳуриявӣ оид ба муҳофизати зироати кишоварзӣ доир гардид
«Амонатбонк» ва «KazakhExport» ҳамкориро дар самти маблағгузории савдо густариш медиҳанд