Доир ба ҷалби бештари сармояи хориҷӣ ба соҳаи саноати Тоҷикистон ҷаласаи маҷозӣ баргузор гардид
ДУШАНБЕ, 24.12.2022 /АМИТ «Ховар»/. Дар нишасти кории маҷозии Вазири саноат ва технологияҳои нави ҷумҳурӣ Шералӣ Кабир бо роҳбарони намояндагиҳои дипломатӣ ва муассисаҳои консулии Тоҷикистон дар хориҷа доир ба ҷалби бештари сармояи хориҷӣ ба соҳаи санот ҷиҳати таъсиси корхонаҳои муштарак табодули назар карда шуд, хабар медиҳад АМИТ «Ховар» бо истинод ба Вазорати корҳои хориҷии кишвар.
Ҷаласа 21-22 декабр таҳти роҳбарии муовини Вазири корҳои хориҷӣ Шараф Шерализода баргузор гардид.
Зимни он ҷонибҳо доир ба натиҷаҳои рушди соҳаи саноат дар соли 2022, дастовардҳо ва имконияту мушкилиҳо дар самти ҷалби бештари сармояи хориҷӣ ҷиҳати таъсиси корхонаҳои муштарак ва фарогирии аҳолӣ бо ҷойи кор ибрози ақида намуданд.
Ҳамчунин иштирокдорон бо мақсади амалигардонии дастуру супоришҳои Ҳукумати мамлакат ва татбиқи бомароми ҳадафи чоруми стратегӣ- саноатикунонии босуръати кишвар, бадин васила рушди соҳа давоми Солҳои рушди саноат (2022-2026) зарурати гирифтани иқдомҳои навбатии муштаракро дар соли 2023 махсусан таъкид карданд.
Ёдовар мешавем, ки 3 август нишасти чоруми Гурӯҳи кории доимамалкунанда доир ба ҷалби сармояи хориҷӣ таҳти роҳбарии Шараф Шерализода ва узвияти роҳбарияти мақомоти давлатии Ҷумҳурии Тоҷикистон, инчунин ҳузури маҷозии роҳбарони намояндагиҳои дипломатӣ ва муассисаҳои консулии кишвар дар хориҷа баргузор гардида буд.
Дар ҷаласа ҷараёни иҷрои Нақшаи амали Гурӯҳи корӣ дар соли равон, густариши ҳамкории иқтисодию тиҷоратӣ, таҳкими абзорҳои ҳамоҳангсозии байнисохторӣ ҷиҳати ҷалби сармояи хориҷӣ, инчунин муаррифии натиҷаи гузориши таҳлилии Корпоратсияи байналмилалии молиявии Гурӯҳи Бонки ҷаҳонӣ дар Тоҷикистон (IFC) оид ба вазъи ҳамлу нақли ҳавоии кишвар баррасӣ гардид.
Акс: ВКХ ҶТ
Ҳамкории Тоҷикистон бо Иттиҳоди байналмилалии алоқа дар соҳаи технологияҳои рақамӣ густариш меёбад
Иҷлосияи шастуми Комиссияи СММ оид ба аҳолӣ ва рушд таҳти раёсати Тоҷикистон мегузарад
Дастовардҳои Тоҷикистон дар рушди сайёҳии экологӣ дар Боку муаррифӣ гардид
Сарвари давлат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб барои бунёди корхонаи дигари истеҳсоли семент асос гузоштанд
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб ба корҳои сохтмон дар корхонаи истеҳсоли семент оғоз бахшиданд
Тоҷикистон ҳамоҳангсози Гурӯҳи кишварҳои рӯ ба тараққии маҳсур дар хушкӣ интихоб гардид
Дар Душанбе вохӯрии якуми Шурои кории Тоҷикистону Қирғизистон баргузор гардид
Сафири Тоҷикистон бо намояндагони ширкати нассоҷии швейтсарии Rieter AG мулоқот намуд
Сафари расмии Сарвазири Гурҷистон Ираклий Кобахидзе дар Ҷумҳурии Тоҷикистон ба анҷом расид
Сарвари давлат Эмомалӣ Раҳмон дар ноҳияи Ховалинг ба фаъолияти коргоҳи истеҳсоли маҳсулоти ширии Асри ваҳдат оғоз бахшиданд
Дар Душанбе мулоқоти вазирони корҳои хориҷии Тоҷикистону Гурҷистон доир гардид
Маросими имзои санадҳои нави ҳамкорӣ миёни Тоҷикистон ва Гурҷистон
