ТОҶИКИСТОН БА РОССИЯ БЕШТАР САБЗАВОТУ МЕВА МЕФИРИСТАД. «Роҳҳои оҳани Россия» тахфифи ҳамлу нақлро барои соли 2023 тамдид кард
ДУШАНБЕ, 24.12.2022 /АМИТ «Ховар»/. Минтақаҳои Россия ба интиқоли маҳсулоти меваю сабзавот аз Тоҷикистон тамоми сол манфиатдор мебошанд, аз ин рӯ, ширкати «Роҳҳои оҳани Россия» тахфифи интиқол аз Тоҷикистонро барои соли 2023 тамдид кард. Тавре АМИТ «Ховар» иттилоъ медиҳад, дар ин бора агентии иттилоотии «РЖД-Партнер.ру» 22 декабр бо истинод ба ширкати роҳи оҳан хабар дод.
«Раёсати ҶСК «Роҳҳои оҳани Россия» тахфифҳои ҷорӣ барои ҳамлу нақли як қатор борҳоро барои соли оянда тамдид кард. Аз ҷумла, 50% тахфифи воридоти меваю сабзавот аз Тоҷикистон ва Узбекистон барои соли 2023 тамдид карда мешавад», — омадааст дар иттилоия.
Ёдовар мешавем, ки нархҳо аз моҳи январи соли 2021 коҳиш дода шуданд. Сиёсати тахфиф нисбат ба вагонҳои яхдондор аз Тоҷикистон ва Узбекистон татбиқ мешавад.
Чанде пеш намояндаи тиҷоратии Россия Евгений Коренков ба агентии Sputnik гуфт, ки истеъмолкунандагони Россия ба маҳсулоте, ки таҳти тамғаи «Made in Tajikistan» ворид мешаванд, талаботи зиёд доранд. Инҳо зардолуи тару тоза ва хушк, ангур, олу, гелосу тамашк ва хушкмевҳои гуногун мебошанд.
Бино бар хусусиятхои иқлимию географӣ аксари минтақаҳои Россия ба фиристодани меваю сабзавот аз минтакаи офтобӣ манфиатдор мебошанд.
«Маҳсулоти саноатию кишоварзӣ яке аз даромадҳои асосии пулии Тоҷикистон аст ва дар равобити тиҷоратӣ бо Россия нақши муҳим дорад», — таъкид кард Е. Коренков.
Ӯ афзуд, ки соли равон 21,2 дарсади содироти Тоҷикистонро маҳсулоти озуқаворӣ ва ашёи хоми кишоварзӣ ташкил дод. Ба ҳисоби пулӣ ин рақам 14 миллион долларро ташкил медиҳад.
Намояндаи тиҷоратии Россия дар Тоҷикистон ҳамчунин афзуд, ки ин раванд дар навбати худ, дар муқоиса бо соли 2021, ду баробар афзоиш ёфтааст, ки ин асосан дар натиҷаи сиёсати тахфифии «Роҳҳои оҳани Россия» сурат гирифтааст.
АКС: АМИТ «Ховар/манбаъҳои боз
Эмомалӣ Раҳмон: «Дар даҳ соли охир суръати миёнасолонаи рушди иқтисоди миллии мамлакати мо дар сатҳи 7,6 фоиз таъмин гардид»
Узбекистон таҷриба дар самти франчайзингро дар Форуми байналмилалии сармоягузории «Душанбе-Инвест-2025» муаррифӣ менамояд
«ДУШАНБЕ ИНВЕСТ – 2025». Дар доираи ин форум якчанд созишномаи ҳамкорӣ ба имзо расид
ОМОДАГӢ БА ЗИМИСТОН. Дар Неругоҳи барқи обии «Норак» корҳои таъмиру навсозӣ идома доранд
Президенти Тоҷикистон Эмомалӣ Раҳмон: «Тоҷикистон ба сармоягузорон зиёда аз 240 номгӯй кафолат ва имтиёзҳои гуногун пешниҳод менамояд»
14 ОКТЯБР — РӮЗИ ҶАҲОНИИ СТАНДАРТҲО. 80 фоизи савдои ҷаҳонӣ аз стандартҳо вобаста аст
«ДУШАНБЕ ИНВЕСТ-2025». Дар доираи форум Намоишгоҳи молу маҳсулоти саноатии Тоҷикистон баргузор гардид
14 ОКТЯБР — РӮЗИ СОҲИБКОРОН. Дар Тоҷикистон 110 номгӯй имтиёзҳо барои фаъолияти соҳибкории истеҳсолӣ пешбинӣ шудааст
Ҳамкорӣ байни Тоҷикистон ва Фаронса дар соҳаи авиатсия тақвият меёбад
«DUSHANBE INVEST – 2025». Пойтахти Тоҷикистон ба маркази муколамаи байналмилалии сармоягузорӣ табдил меёбад
Дар Душанбе бо иштироки беш аз 1000 нафар Форуми байналмилалии «Digital Tajikistan – 2025» баргузор шуд
Кумитаи давлатии идораи замин ва геодезии Тоҷикистон ва Хадамоти федералии бақайдгирии давлатӣ, кадастр ва харитасозии Русия созишномаи ҳамкорӣ имзо намуданд
