Моҳи апрел Президенти Туркманистон бо сафари давлатӣ ба Тоҷикистон ташриф меорад
ДУШАНБЕ, 09.03.2023 /АМИТ «Ховар»/. Моҳи апрел соли равон Президенти Туркманистон Сердар Бердимухамедов бо сафари давлатӣ ба Тоҷикистон ташриф меорад. Масъалаи омодагӣ ба сафари мазкур 8 март дар шаҳри Душанбе зимни музокироти Вазири корҳои хориҷии Ҷумҳурии Тоҷикистон Сироҷиддин Муҳриддин бо муовини раиси Девони вазирон, Вазири корҳои хориҷии Туркманистон Рашид Мередов баррасӣ гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Мусоҳибон ҳамчунин масъалаҳои мубрами муносибатҳои Тоҷикистон ва Туркманистонро дар бахшҳои сиёсӣ, иқтисодӣ ва гуманитарӣ баррасӣ намуда, доир ба ҳамкории ду давлат дар чаҳорчӯби созмонҳои минтақавӣ ва байналмилалӣ табодули назар карданд.
«Диққати махсус ба ҷараёни омодагӣ ба сафари давлатии Президенти Туркманистон Сердар Бердимухамедов ба Ҷумҳурии Тоҷикистон, ки дар нимаи аввали моҳи апрели соли 2023 пешбинӣ шудааст, зоҳир карда шуд», — омадааст дар хабари вазорат.
Роҳбарони мақомоти корҳои хориҷӣ ҳамчунин масъалаҳои омодагӣ ба Вохӯрии панҷуми ҷашнии машваратии сарони давлатҳои Осиёи Марказӣ ва ҷаласаи навбатии Шӯрои сарони давлатҳои муассиси Фонди байналмилалии наҷоти Аралро, ки моҳи сентябри соли 2023 дар Душанбе ба нақша гирифта шудааст, мавриди баррасӣ қарор доданд.
Хотиррасон мешавем, ки нимаи дуюми рӯзи 8 март муовини раиси Девони вазирон, Вазири корҳои хориҷии Туркманистон Рашид Мередов бо сафари расмӣ ба Душанбе ташриф овард.
АКС: Вазорати корҳои хориҷии Ҷумҳурии Тоҷикистон/манбаъҳои боз
Идибек Қаландар бо намояндаи махсуси Раиси САҲА оид ба пешбурди муколама ва таҳкими эътимод мулоқот намуд
Сарвазири Тоҷикистон Қоҳир Расулзода дар Конфронси байналмилалӣ оид ба таҳкими робитаҳои фарҳангӣ ва рушди соҳаҳои эҷодӣ иштирок намуд
Сафири Тоҷикистон бо Директори департаменти робитаҳои давлатӣ ва байналмилалии ширкати Caterpillar мулоқот намуд
Ҷалби сармоягузории Озарбойҷон ба иқтисодиёти Тоҷикистон баррасӣ гардид
Дар Тошканд вохӯрии дуюми масъулини аршади Саммити «Осиёи Марказӣ-Ҷумҳурии Корея» доир гардид
Сафири Тоҷикистон бо Директори генералии Иттиҳодияи осорхонаҳои Австрия мулоқот намуд
Сарвазири Тоҷикистон Қоҳир Расулзода дар Форуми байналмиллалии сармоягузории Тошканд иштирок намуд
Густариши ҳамкории Тоҷикистон ва Эрон дар бахши нафту газ баррасӣ шуд
Президенти Ҷумҳурии Узбекистон Шавкат Мирзиёев бо Сарвазири Ҷумҳурии Тоҷикистон Қоҳир Расулзода мулоқот намуд
Таом ва хӯришҳои тоҷикӣ дар намоишгоҳи хайриявии Бишкек таваҷҷуҳи зиёди меҳмононро ҷалб намуданд
Дар Фестивали байналмилалии гастрономӣ дар Беларус 20 намуди таоми миллии тоҷикон пешниҳод гардид
Сафири Тоҷикистон дар Арабистони Саудӣ бо роҳбарияти Созмони ҷаҳонии об мулоқот намуд
