Муовини раиси Девони вазирон, Вазири корҳои хориҷии Туркманистон Рашид Мередов ба вилояти Хатлон сафар намуд
ДУШАНБЕ, 09.03.2023 /АМИТ «Ховар»/. Дар доираи сафари расмӣ ба Ҷумҳурии Тоҷикистон муовини Раиси Девони вазирон, Вазири корҳои хориҷии Туркманистон Рашид Мередов ба ноҳияи Дӯстии вилояти Хатлон ташриф оварда, бо рафти сохтмони муассисаи таҳсилоти миёнаи умумии №8 барои 540 ҷойи нишаст дар деҳаи Ғаллаободи ҷамоати деҳоти Ҷиликӯл шинос шуд. Сокинони меҳнатдӯсту меҳмоннавози ноҳияи Дустӣ Муовини раиси Девони вазирон, Вазири корҳои хориҷии Туркманистон Рашид Мередовро дар вазъияти тантанавӣ ва бо риояи анъанаҳои неки тоҷикона самимона истиқбол гирифтанд.
Муассисаи таҳсилоти миёнаи умумии №8 барои 540 ҷойи нишаст дар дехаи Ғаллаободи ҷамоати деҳоти Ҷиликӯл аз ҷониби Туркманистон дар доираи ҳамкориҳои мутақобилан судманд ва гуногунҷанбаи Ҷумҳурии Тоҷикистон ва Туркманистон бунёд карда мешавад. Бинои муассисаи таълимӣ аз ду ошёна иборат буда, тибқи нақша баъди анҷоми пурраи корҳои сохтмонӣ бо шароити муосири таълим ва муҷаҳҳаз бо синфхонаҳои барҳавою муосир ба истифода дода мешавад.
Иҷрокунандаи вазифаи раиси вилояти Хатлон Давлаталӣ Саид ба муовини Раиси Девони Вазирон, Вазири корҳои хориҷии Туркманистон Рашид Мередов барои ташриф ба вилояти Хатлон ва нақши ҷониби Туркманистон дар рушди муносибатҳои дӯстонаи байнидавлатӣ изҳори сипос ва миннатдорӣ намуд.
Таъкид кардан ба маврид аст, ки дар ноҳияи Дӯстии вилояти Хатлон ҷамъияти туркманҳо зиндагӣ мекунанд. Дар вилоят 6 муассисаи таълимии тоҷику туркманӣ мавҷуд аст, ки дар онҳо фарзандони оилаҳои туркман дар баробари забони давлатии Тоҷикистон метавонанд ба забони туркманӣ низ таҳсил намоянд.
Муовини Раиси Девони Вазирон, вазири корҳои хориҷии Туркманистон Рашид Мередовро дар ин сафар муовини Сарвазири мамлакат Сулаймон Зиёзода, Иҷрокунандаи вазифаи раиси вилояти Хатлон Давлаталӣ Саид ва дигар шахсони расмӣ ҳамроҳӣ намуданд.
АКС: Мақомоти иҷроияи ҳокимияти давлатии вилояти Хатлон
Сафири Тоҷикистон бо Роҳбари Мақомоти миллии воситаҳои ахбори оммаи Амороти Муттаҳидаи Араб мулоқот намуд
Дар шаҳри Банфи Канада чорабинии сатҳи баланд оид ба Соли байналмилалии ҳифзи пиряхҳо доир гардид
Сафири навтаъйини Тоҷикистон дар Вазорати корҳои хориҷии Туркия нусхаи эътимоднома супорид
Дар Москва ҳамкории Тоҷикистон ва Русия дар соҳаи илму маориф баррасӣ гардид
Дар Тошканд ҳамкории минтақавии давлатҳои Осиёи Марказӣ дар соҳаи обу энергетика баррасӣ гардид
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
Дар Боку вобаста ба раёсати Ҷумҳурии Тоҷикистон дар Иттиҳоди Давлатҳои Мустақил брифинг доир гардид
Тоҷикистон ва Уммон ҳамкориро дар соҳаҳои сиёсӣ, иқтисодӣ ва сайёҳӣ густариш медиҳанд
Таҳкими ҳамкории Тоҷикистон бо Кумитаи иҷроияи Маркази минтақавии зиддитеррористии СҲШ баррасӣ гардид
Рӯзи байналмилалии энергияи тоза. Тоҷикистон давлати пешсафи ҷаҳонӣ дар истеҳсоли энергияи таҷдидшаванда муаррифӣ шуд
Дар Минск таҳти раёсати Тоҷикистон машваратҳои сиёсӣ бахшида ба такмили фаъолияти Иттиҳоди Давлатҳои Мустақил баргузор шуданд
Дар Москва ҷаласаи Шурои ҷамъиятии назди Сафорати Тоҷикистон дар Русия баргузор гардид
