Байни Кумитаи ҳифзи муҳити зисти Тоҷикистон ва Вазорати экология ва захираҳои табиии Қазоқистон Ёддошти тафоҳум ба имзо расид
ДУШАНБЕ, 05.05.2023 /АМИТ «Ховар»/. Тоҷикистон ва Қазоқистон ҳамкориро дар соҳаи ҳифзи муҳити зист тақвият медиҳанд. Далели ин ба имзо расонидани Ёддошти тафоҳум байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Вазорати экология ва захираҳои табиии Ҷумҳурии Қазоқистон мебошад.
АМИТ «Ховар» бо истинод ба Кумитаи ҳифзи муҳити зисти назди Ҳукумати чумҳурии Тоҷикистон иттилоъ медиҳад, ки санади мазкур дар доираи сафари давлатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон имзо шудааст.
Ёддошти тафоҳумро Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва Вазири экология ва захираҳои табиии Ҷумҳурии Қазоқистон Зулфия Сулейманова ба имзо расониданд.
Санади мазкур масъалаҳои такмили танзим ва назорати давлатии экологӣ дар соҳаи ҳифзи муҳити зист, мубодилаи таҷриба дар самти ҳалли мушкилоти экологӣ ва ҷорӣ намудани технологияҳои нав дар соҳаи ҳифзи муҳити зист, мубодилаи дониш ва малакаҳои экологӣ барои татбиқи воситаҳои байналмилалии экологӣ, тақвияти ҳамкорӣ бо бахши хусусӣ ва ташкилоти ғайриҳукуматӣ дар татбиқи барномаҳо ва ташаббусҳои муҳим дар соҳаи ҳифзи муҳити зист ва рушди устуворро дар бар мегирад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Дар Душанбе масъалаи ҷалби сармоягузорӣ ба иқтисоди Тоҷикистон баррасӣ гардид
Дар Душанбе раванди татбиқи барномаи нави «Аз пиряхҳо то хоҷагидорон» баррасӣ гардид
Созишномаи иловагӣ оид ба сохтмон ва истифодаи корхонаи истеҳсоли техникаи маишии «Artel Avesto Electronics» ба имзо расид
Дар шаҳри Бӯстон мушкилии таъминот бо об бартараф гардид
Дар ноҳияи Зафаробод 12 пойгоҳи обкашӣ фаъолият дорад
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
