«CAFA FUTSAL CUP-2023». Мунтахаби футзали Тоҷикистон пеш аз мусобиқа дар Гулистон ҷамъомади тамринӣ мегузаронад

Июль 5, 2023 14:10

ДУШАНБЕ, 05.07.2023 /АМИТ «Ховар»/. Дастаи мунтахаби футзали Тоҷикистон дар доираи омодагӣ ба Мусобиқаи «CAFA Futsal Cup-2023» дар шаҳри Гулистон ҷамъомади тамринӣ-таълимӣ мегузаронад. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Барои ҷамъомади дуҳафтаинаи тамринӣ, ки аз 7 то 21 июл дар Осоишгоҳи «Баҳористон»-и шаҳри  Гулистон баргузор мешавад, ситоди мураббиён 18 бозингар – 4 дарвозабон ва 14 футзалбозро даъват намудаанд. Ба рӯйхати ниҳоии даста 14 бозингар шомил карда мешавад.

Бояд гуфт, ки дар Мусобиқаи «CAFA Futsal Cup-2023» мунтахаби Тоҷикистон бо мунтахабҳои миллии Узбекистон (23 июл), Туркманистон (24 июл), Қирғизистон (26 июл), Афғонистон (28 июл) ва Эрон (30 июл) рақобат мекунад. Бозиҳо дар Қасри теннис ва маҷмааи варзиши обӣ доир мешаванд.

Ҳайати дастаи мунтахаби Тоҷикистон барои ҷамъомади таълимиву тамринӣ дар Гулистон:

 Дарвозабонҳо: Фирӯз Бекмуродов («Истиқлол»), Фирӯз Бозмамадов («Соро компания»), Муродулло Алиқулов («Амонатбонк»), Лоиқ Давлатов («КПРФ-2, Русия);

Бозигарон: Дилшод Саломов, Файзалӣ Сардоров, Идрис Ёров, Муҳаммадҷон Шарифов, Некрӯз Алимаҳмадов, Бахтиёр Солиев, Самандар Ризомов, Муҳаммад Раҷабов (ҳама аз «Соро компания»), Комрон Алиев, Некрӯз Идиев, Насратшо Исмоилов (ҳама аз «Истиқлол»), Умед Кузиев, Фаридун Неъматов (ҳарду аз «Амонатбонк»), Баҳодур Хоҷаев («Истаравшан»).

Сармураббӣ – Пайрав Воҳидов.

АКС: Федератсияи футболи Тоҷикистон

Июль 5, 2023 14:10

Хабарҳои дигари ин бахш

Имрӯз дар Душанбе Форуми Шурои олимпии Осиё ва ҳамбастагии олимпӣ баргузор мегардад
ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд