Дар Душанбе бахшида ба Рӯзи роҳиоҳанчиёни Тоҷикистон ҳамоиши тантанавӣ баргузор шуд
ДУШАНБЕ, 05.08.2023 /АМИТ «Ховар»/. Бахшида ба Рӯзи роҳиоҳанчиён, ки ҳамасола якшанбеи якуми моҳи август гузаронида мешавад, 4 август дар Душанбе бо иштироки роҳбарияти Вазорати нақлиёти ҷумҳурӣ ва КВД «Роҳи оҳани Тоҷикистон» ҳамоиши тантанавӣ баргузор шуд.
АМИТ «Ховар» бо истинод ба Корхонаи воҳиди давлатии «Роҳи оҳани Тоҷикистон» иттилоъ медиҳад, ки роҳбарияти КВД «Роҳи оҳани Тоҷикистон» тамоми кормандони роҳи оҳанро бо иди касбӣ табрик намуда, аз муваффақияту дастовардҳои соҳаи нақлиёти роҳи оҳани мамлакат ёдовар шуданд.
Таъкид гардид, ки роҳи оҳани Тоҷикистон бо шарофати ғамхории доимии Ҳукумати мамлакат, хусусан дастгириҳои пайвастаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар даврони соҳибистиқлолӣ ба дастовардҳои зиёди соҳавӣ ноил гардида, дар татбиқи нақшаву барномаҳои давлатӣ ва ҳадафҳои стратегии мамлакат нақши назарррас мегузорад.
Гуфта шуд, ки бо нишондиҳандаҳои мусбат ҷамъбаст гардидани фаъолияти молиявию хоҷагидории роҳи оҳан аз иқдому ташаббусҳо ва дастуру супоришҳои Сарвари давлат муҳтарам Эмомалӣ Раҳмон сарчашма мегирад. Баъд аз кушодани гузаргоҳҳои байнисарҳадӣ, пешниҳоди сабукиҳову аз байн бардоштани нишондиҳандаҳои баландкунанда ва иҷозати саворшавии мусофирон аз қаламрави давлати ҳамсоя ҳаҷми рӯзафзуни зиёд шудани боркашониву мусофирбарӣ таъмин гардида, тамоми дастоварду пешрафти мунтазами соҳа аз меҳнати шоиста, натиҷаи заҳмати шабонарӯзии ҳар як корманди роҳи оҳан мебошад.
Роҳиоҳанчиёни мамлакат изҳор доштанд, ки илҳомбахши ҳар кадоми онҳо дар фаъолияти корӣ дастуру ҳидоятҳои раҳнамунсози Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон мебошанд, ки онҳоро пайваста ба фатҳи қуллаҳои нави меҳнатӣ ҳидоят менамоянд.
«Дар партави ин дастгирию ғамхориҳо роҳиоҳанчиёнро зарур аст, ки новобаста аз баъзе мушкилот нақшаҳои истеҳсолиро сарбаландона иҷро карда, дар амалисозии мақсадҳои наҷибу олӣ ва ташаббусҳои созандаи Пешвои миллат ҳарчӣ бештар саҳм гузоранд»,- таъкид шуд дар ҳамоиши тантанавӣ.
Ба муносибати иди касбии кормандони соҳаи роҳи оҳани Тоҷикистон дар идомаи ҳамоиши тантанавӣ ба як зумра собиқадорони соҳа ва роҳиоҳанчиёни фаъоли мамлакат сипосномаву ифтихорномаҳои соҳавӣ ва мукофоти пулию молӣ тақдим гардид.
АКС: КВД «Роҳи оҳани Тоҷикистон»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
