Дар Мурғоб Маркази офиятбахшӣ ва парвариши бабри барфӣ ифтитоҳ ёфт
ДУШАНБЕ, 18.08.2023 /АМИТ «Ховар»/. Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Вилояти Мухтори Кӯҳистони Бадахшон дар ноҳияи Мурғоб дар майдони 10 гектар Маркази офиятбахшӣ ва парвариши бабри барфӣ ифтитоҳ гардид. Дар ин хусус ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Маркази офиятбахшӣ ва парвариши бабри барфӣ бо мақсади табобату офиятбахшии ҳайвонҳои нодири ноҳия, аз ҷумла бабри барфӣ сохта шудааст. Дар Маркази мазкур ҳайвоноти нодир, ки дар ҳолатҳои гуногун захм бардошта ё ба бемориҳои дигар дучор шудаанд, табобат шуда, сипас ба табиат сар дода мешаванд.
Яке аз ҳадафҳои асосии бунёди Маркази мазкур наслгирӣ ва зиёд намудани теъдоди бабри барфӣ дар табиати кӯҳӣ, пеш бурдани корҳои омӯзишӣ ва илмӣ бо ҷалби олимони дохилӣ ва хориҷӣ мебошад.
Бо мақсади нигоҳдории муваққатии ҳайвоноти нодир ва бо хӯрок таъмин намудани онҳо дар Маркази офиятбахшӣ аз тарафи Кумитаи ҳифзи муҳити зист дар ноҳияи Ишкошим сохтмон ва бунёди «Хоҷагии ёрирасон» дар назар дошта шудааст, ки дар он ҳайвоноти хурд, ба монанди харгӯш парвариш мешаванд. Чунин шароит имкон медиҳад, ки сайёҳони дохилию хориҷӣ бо чунин Маркази офиятбахшие, ки дар он ҳайвоноти нодир ҳифз ва нигоҳдорӣ мешаванд, шинос шаванд.
Масоҳати умумии Маркази офиятбахшӣ ва парвариши бабри барфӣ дар ноҳияи Мурғоб 10 гектарро ташкил дода, дар доираи ин иншооти ҷашнӣ корҳои муайян ба анҷом расидаанд. Аз ҷумла, масоҳати фоиданок барои сайри бабри барфӣ аз 1100 метри мураббаъ, масоҳати фоиданок барои шикори бабри барфӣ 7 гектар ё ин ки 70000 метри мураббаъ, роҳравҳо аз тахтасангҳо 80 метри мураббаъ, чарағокҳои баландпоя барои равшанидиҳӣ, таваққуфгоҳ барои мошинҳо, камераҳои назоратӣ, панҷарабандии атроф 6900 метри мураббаъ ва дигар таҷҳизоти зарурӣ иборат аст.
Ноҳияи Мурғоб табиату иқлими хос ва ҳайвоноти нодире, чун бабри барфӣ ва гӯсфанди Марко Поло (архари помирӣ), дигар ҳайвоноти нодир дорад, ки муаррифи Тоҷикистон мебошанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон бо роҳбарону фаъолони ноҳияи Дарвоз мулоқот намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Дарвоз Хоҷагии моҳипарварии «Тоҷ-Корея»-ро мавриди истифода қарор доданд
Сарвари давлат Эмомалӣ Раҳмон дар ноҳияи Дарвоз маркази баҳисобгирии зеҳни сунъии «Darya AI»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Дарвоз Комплекси агросаноатии фермаи чорвопарварӣ ва коргоҳи коркарди маҳсулоти шириро ифтитоҳ намуданд
Сарвари давлат Эмомалӣ Раҳмон қисми шоҳроҳи Кӯлоб-Хоруғ-Кулма-Чинро аз маркази ноҳияи Дарвоз то дарвозаи Рӯшон ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ванҷ Парки саноатиро мавриди истифода қарор доданд
Сарвари давлат Эмомалӣ Раҳмон дар ноҳияи Ванҷ толори варзиширо ифтитоҳ намуданд
Пешвои миллат Эмомалӣ Раҳмон дар ноҳияи Ванҷ ба таври маҷозӣ 7 муассисаи таълимии томактабиро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ванҷ корхонаҳои истеҳсоли калсит, коркарди мармар ва сангҳои ороишии ҶСП «Мармар Стоун»-ро ифтитоҳ намуданд
Сарвари давлат Эмомалӣ Раҳмон дар ноҳияи Ванҷ роҳи маркази ноҳия то нуқтаи пайвастшавӣ ба шоҳроҳи Душанбе-Кулмаро ба истифода доданд
Оғози сафари кории Пешвои миллат Эмомалӣ Раҳмон ба Вилояти Мухтори Кӯҳистони Бадахшон
