Дар Душанбе дар мавзуи «Нақши Эмомалӣ Раҳмон дар ташаккул ва рушди СҲШ» конференсияи байналмилалӣ баргузор шуд
ДУШАНБЕ, 15.11.2023 /АМИТ «Ховар»/. 14 ноябр дар Академияи идоракунии давлатии назди Президенти Ҷумҳурии Тоҷикистон дар мавзуи «Нақши Эмомалӣ Раҳмон дар ташаккул ва рушди Созмони Ҳамкории Шанхай» конференсияи байналмилалӣ баргузор гардид. Дар ин хусус ба АМИТ «Ховар» дар Академияи идоракунии давлатӣ хабар доданд.
Ҳамоиши байналмилалӣ ба ҷашни миллӣ – Рӯзи Президенти Ҷумҳурии Тоҷикистон, ки ҳамасола 16 ноябр таҷлил мешавад, бахшида шуда, аз ҷониби Академияи идоракунии давлатии назди Президенти Ҷумҳурии Тоҷикистон ва Маркази дӯстӣ ва ҳамкории Созмони Ҳамкории Шанхай дар Тоҷикистон бо дастгирии Вазорати корҳои хориҷии Ҷумҳурии Тоҷикистон гузаронида шуд.
Иштирокчиёни конференсияи байналмилалӣ ба фаъолияти чандинсолаи бефосилаи Эмомалӣ Раҳмон дар ташаккул ва рушди Созмони Ҳамкории Шанхай, табдили он ба созмони беназири байналмилалии фаромиллии намуди нав, ки ба ҷузъи ҷудонашавандаи раванди сиёсии ҷаҳонӣ табдил ёфтааст, баҳои баланд доданд. Иброз гардид, ки Президенти Ҷумҳурии Тоҷикистон Эмомалӣ Раҳмон ҳамчун яке аз асосгузорони Созмони Ҳамкории Шанхай дар раванди ташаккули модели муосири муносибатҳои байнидавлатӣ дар минтақа, ки ба чолишҳо ва таҳдидҳои мавҷуда ва ба вуҷудоянда ҷавобгӯ аст, инчунин дар таҳкими амният ва суботи минтақавӣ саҳми босазо гузоштаанд.
Ташаббусу пешниҳодҳои арзишманди Президенти Ҷумҳурии Тоҷикистон дар самти муборизаи оштинопазир бо терроризми байналмилалӣ ва муборизаи муштарак бо хатари нашъамандӣ, тавсеаи ҳамкории тиҷоратию иқтисодӣ ва амиқсозии робитаҳои нақлиётӣ, ҳамкорӣ дар соҳаи фарҳангу гуманитарӣ ва таҳкими дипломатияи ҷамъиятӣ ба ҳамоҳангсозии манфиатҳои миллии Тоҷикистон ва шарикон оид ба ташкилӣ бо манфиатҳои рушди умумии устувори иҷтимоию иқтисодӣ дар фазои Созмони Ҳамкории Шанхай мусоидат менамоянд.
Иштирокчиёни конференсияи байналмилалӣ сарнавишти тасмимҳои таърихиеро, ки дар натиҷаи ҷаласаҳои қабулшудаи Шурои сарони давлатҳои аъзои Созмони Ҳамкории Шанхай таҳти раёсати Эмомалӣ Раҳмон дар солҳои 2008, 2014 ва 2021 дар шаҳри Душанбе самти минбаъдаи инкишофи пешқадами Созмони Ҳамкории Шанхайро муайян намуданд, таъкид намуданд. Ҳамзамон аҳамият ва арзиши нуқтаи назари консептуалии Президенти Ҷумҳурии Тоҷикистон оид ба баланд бардоштани самаранокӣ, интихоби тамоюл ва модели рушди дарозмуддати стратегии Созмони Ҳамкории Шанхай дар муҳити доим тағйирёбанда ва ноустувори байналмилалӣ иброз гардид.
Дар баробари ин, иштирокчиёни конференсияи байналмилалӣ бо намоиши китоб ва навори видеоӣ дар бораи нақши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ташаккул ва рушди Созмони Ҳамкории Шанхай шинос шуданд.
АКС: Академияи идоракунии давлатии назди Президенти Ҷумҳурии Тоҷикистон
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
Дар Душанбе таҳти унвони «Созмони ҳамкории Шанхай: дар роҳи ҷомеаи солим бе маводи мухаддир» ҳамоиши байналмилалӣ доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
