Нақши илмҳои антропологӣ дар ташаккулу рушди шуури ҷамъиятӣ назаррас аст
ДУШАНБЕ, 12.11.2023 /АМИТ «Ховар»/. 10 ноябр дар Душанбе дар мавзуи «Мавқеи илмҳои антропологӣ дар омӯзиш ва ташаккули шаклҳои шуури ҷамъиятӣ» ҳамоиши илмӣ-амалӣ баргузор шуд, хабар медиҳад АМИТ «Ховар» бо истинод ба Академияи миллии илмҳои Тоҷикистон.
Дар ҷамъомад мавзуъҳои «Таносуби объект, предмети антропология ва илмҳои антропологӣ», «Баррасии антропологии масъалаҳои ҳуқуқӣ», «Нақши антропологияи сиёсӣ дар омӯзиши ҷомеаҳои муосир», «Шуури ҷамъиятӣ дар доираи масъалаҳои антропологияи иҷтимоӣ», «Антропологияи физикӣ яке аз самтҳои антропология» ва «Ахлоқ ҳамчун илми антропологӣ» маърузаҳои илмӣ мавриди баррасӣ қарор гирифтанд.
Муовини директори Институти фалсафа, сиёсатшиносӣ ва ҳуқуқи Академияи миллии илмҳои Тоҷикистон, профессор Хуршед Зиёӣ иброз намуд, ки «фалсафаи инсон моҳият ва сохтори моҳияти ӯ, муносибатҳои инсон, асосҳои мавҷудияти ӯ ва ҳастии онро ба таври умумишуда, дар шакли абстрактӣ, на мавҷуди алоҳидаву аз муҳит кандашуда баррасӣ менамояд. Баъзе ҷанбаҳои амалии фалсафаи инсонро шохаҳои сершумори анропология, ки имрӯз арзи вуҷуд намудаанд, комил месозанд».
Гуфта шуд, ки антропология, дар маҷмуъ, тамоми имлҳоеро фаро мегирад, ки инсон, пайдоиш ва рушди он, мавҷудияти инсонро дар муҳитҳои табиӣ ва иҷтимоӣ меомӯзанд. Шохаҳои он- антропологияи кибернетикӣ (омӯзиши инсон ҳамчун низоме, ки тибқи барномаҳои муайян фаъолият менамояд), антропологияи педагогикӣ (таълиму тарбия ҳамчун падидаи антропологӣ), антропологияи дин, антропологияи иҷтимоӣ ва фарҳангӣ, антропологияи ҳуқуқӣ, антропологияи феминистӣ, антропологияи физикӣ (ҷисмонӣ), антропологияи тиббӣ, антропологияи ҳарбӣ ва ғайра мебошанд, ки, чунонки аз номгузориашон бармеояд, ҷанбаҳои гуногуни масъалаи инсон ва фаъолияти онро мавриди омӯзиш қарор медиҳанд.
Аз зумраи ин илмҳо таълим ва омӯзиши антропологияи ҳуқуқӣ дар муассисаҳои таҳсилоти олии касбӣ ва илмӣ имкон медиҳад, ки иҷрои қонунгузории Ҷумҳурии Тоҷикистон дар танзими анъана ва ҷашну маросим на танҳо ҷоннок шавад, балки минбаъд бо раванди таҳаввулот дар ҷомеа ва рушди он ин қонунгузорӣ ва дигар санадҳои меъёрии ҳуқуқӣ такмил дода шаванд.
АКС: Академияи миллии илмҳои Тоҷикистон
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
