СОЛҲОИ РУШДИ САНОАТ. Коргоҳи дӯзандагии Литсеи касбӣ- техникии ноҳияи Шуғнон хонандагонро бо либоси мактабӣ таъмин менамояд
ДУШАНБЕ, 28. 11.2023 /АМИТ «Ховар»/. Бо мақсади таъмин намудани сару либоси ягонаи мактабӣ ва ба кор даровардани коргоҳу корхонаҳои дӯзандагӣ дар ноҳияи Шуғнон аз ҷониби мақомоти иҷроияи ҳокимияти давлатии ноҳия дӯхти либоси мактабӣ амалӣ мешавад. Дар ҳамин замина соли аввал аст, ки дар назди Муассисаи давлатии таълимии «Литсейи касбӣ-техникии ноҳияи Шуғнон» коргоҳи дӯзандагӣ фаъолият дошта, хонандагони муассисаҳои таълимии ноҳияро бо либоси мактабӣ таъмин менамояд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шуғнон хабар медиҳад.
Раиси ноҳияи Шуғнон Ҷумъа Ҷумъазода бо маҳсулоти истеҳсолнамудаи коргоҳи дӯзандагӣ шинос шуд. Иттилоъ дода шуд, ки аллакай соли равон аз ҷониби шуъбаи маорифи ноҳия бо ин корхона шартнома баста шуда, ба ҳолати имрӯза зиёда аз ҳазор ҷуфт сару либоси мактабӣ барои хонандагони ноҳия дӯхта шудааст. Ҳоло низ дар ин корхона чеварон ба дӯхти либоси мактабӣ машғул мебошанд.
Дар Литсеи касбӣ-техникӣ бахшҳои кафшергари барқию газӣ, дӯзандагию дуредгарӣ амал намуда, барои омӯзиши ҳаматарафаи ин ихтисосҳо ҳам омӯзгорони ботаҷриба ва ҳам таҷҳизоти пешрафта мавҷуд аст.
Имсол мутобиқи созишномаи ҳамкорӣ байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Бонки Осиёии рушд барои Литсейи касбӣ-техникии ноҳия ба маблағи бештар аз як миллион сомонӣ техникаву таҷҳизоти муосир дастрас шуда, дар ихтиёри донишҷӯён гузошта шуд.
АКС: Мақомоти иҷроияи ҳокимияти давлатии ноҳияи Шуғнон
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
