Ҳайати Корея бо сохторҳои Вазорати меҳнат, муҳоҷират ва шуғли аҳолӣ дар вилояти Хатлон шинос шуд

Декабрь 8, 2023 16:10

ДУШАНБЕ, 08.12.2023 /АМИТ «Ховар»/. 7 декабр ҳайати Ҷумҳурии Корея, ки бо мақсади омӯзиши раванди ба низоми  иҷозати кор (EPS) ворид шудани Ҷумҳурии Тоҷикистон ба ҷумҳурии мо омадааст, бо сохторҳои Вазорати меҳнат, муҳоҷират ва шуғли аҳолӣ  дар вилояти Хатлон шинос шуд. Дар ин хусус ба АМИТ «Ховар» дар ин вазорат хабар доданд.

Ҳайат нахуст бо ҷараёни омӯзиш дар филиали Муассисаи давлатии «Маркази таълими калонсолони Тоҷикистон» дар деҳаи Себистони ноҳияи Данғара ва корҳои сохтмонӣ дар Маркази рушди малакаҳо, ки дар доираи амали лоиҳаи «Беҳтарсозии малакаҳои касбӣ ва имконияти бо кор таъминшавӣ» дар ноҳияи Данғара ва шаҳри Бохтари вилояти Хатлон бунёд мегардад, шинос шуд.

Ба меҳмонон иттилоъ дода шуд, ки дар ин марказ ва ҳамин гуна марказҳое, ки дар шаҳрҳои Душанбе, Хуҷанд, Бохтар, Роғун ва ноҳияи Восеъ бунёд мегарданд, касбу ихтисосҳои мавриди талаботи кордиҳандаи хориҷӣ, аз ҷумла забони давлатҳои қабулкунандаи муҳоҷирони меҳнатӣ омӯзонида шуда, ба хатмкардагон шаҳодатнома дода мешавад.

Таъкид гардид, ки омӯзиши забони кореягӣ ва ихтисосҳои мавриди талаботи кордиҳандаи Ҷумҳурии Корея низ дар заминаи ин марказҳо, ки соли 2024 ба фаъолият шуруъ менамоянд, ба нақша гирифта шудааст.

Дар ноҳияи Данғара ва шаҳри Бохтар ҳайати меҳмонон бо ҷараёни корҳои сохтмонии марказҳои хизматрасонӣ ба муҳоҷирон шинос шуданд. Ба онҳо имконоти омодасозии мутахассисони соҳаҳои гуногун, аз ҷумла кишоварзӣ муаррифӣ шуд. 

АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон

Декабрь 8, 2023 16:10

Хабарҳои дигари ин бахш

Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд