Дар Душанбе оид ба истиқлол ва рушди санъати мусиқии касбии тоҷик машварати ҷумҳуриявӣ доир гардид
ДУШАНБЕ, 18.12.2023 /АМИТ «Ховар»/. Дар Вазорати фарҳанги Ҷумҳурии Тоҷикистон дар мавзуи «Истиқлол ва рушди санъати мусиқии касбии тоҷик: воқеият ва дигаргунсозии низоми таҳсилоти бадеӣ» машварати ҷумҳуриявӣ баргузор гардид. Дар ин хусус АМИТ «Ховар» бо истинод ба Вазорати фарҳанги Тоҷикистон хабар медиҳад.
Дар машварат роҳбарияти Вазорати фарҳанги ҷумҳурӣ, ҳайати профессорону омӯзгорони Консерваторияи миллии Тоҷикистон ба номи Талабхӯҷа Сатторов, Донишкадаи давлатии фарҳанг ва санъати Тоҷикистон ба номи Мирзо Турсунзода, Коллеҷи санъати ба номи Аҳмад Бобоқулов, Коллеҷи санъати шаҳри Хуҷанд ба номи Содирхон Ҳофиз, Коллеҷи ҷумҳуриявии санъати ба номи Кароматулло Қурбонови шаҳри Кӯлоб, намояндагони Мактаб-интернати миёнаи махсуси санъати ҷумҳуриявӣ ба номи Миратулло Атоев, Мактаб-интернати миёнаи махсуси мусиқии ҷумҳуриявӣ ба номи Зиёдулло Шаҳидӣ ва мактабҳои санъат ва мусиқии шаҳру ноҳияҳои ҷумҳурӣ иштирок намуданд.
Иброз гардид, ки дар сиёсати фарҳангии Ҷумҳурии Тоҷикистон рушди санъати мусиқии касбӣ ва омода сохтани мутахассисони соҳибкасб ҷойгоҳи махсусро ишғол менамояд.
Инчунин дар мавзуъҳои рушди мусиқии ҳирфаӣ, мушкилоти мусиқии касбӣ, нақши озмунҳои ҷумҳуриявӣ дар пешрафти соҳа, омодасозии кадрҳои мувофиқи талаботи имрӯзу фардо ибрози андеша шуд.
Дар ҷамъбасти машварати ҷумҳуриявӣ байни иштирокчиён мубодилаи афкор доир шуда, устодон ва мутахассисони соҳаи фарҳангу санъат оид ба рушди санъати мусиқии касбии тоҷик, тайёр намудани мутахассисони оянда ва ҳалли камбудиҳои ҷойдошта пешниҳодҳояшонро иброз доштанд.
АКС: Вазорати фарҳанги Ҷумҳурии Тоҷикистон
Даври ҷамъбастии Фестивал-озмуни ҷумҳуриявии телевизионии эҷодиёти халқ «Андалеб-2025» баргузор мегардад
Сокинони ноҳияи Муъминобод соҳиби туҳфаи арзишманди Пешвои миллат — «Шоҳнома» мегарданд
МЕҲРГОН ОМАД, МУБОРАК, МЕҲРГОН ОМАД! Пагоҳ дар Душанбе Иди Меҳргон бо шукуҳу шаҳомати хосса таҷлил мегардад
СИТОРАИ ТОБНОК ДАР САМОИ СИНАМО. Офаридаҳои баландмазмун ба Бахтиёр Худойназаров шуҳрати ҷаҳонӣ бахшид
Коргардон Аҳмад Аминӣ: «Эрониҳо Тоҷикистонро дӯст медоранду орзуи тамошои манзараҳои нотакрори онро доранд»
Феҳристи муштараки шоҳкориҳо ва бозёфтҳои нодири осорхонаҳои миллии Осиёи Марказӣ нашр мегардад
ИДИ МЕҲРГОН-МЕРОСИ НИЁГОН. Давоми таърих дар фарҳанги мардум арзишҳои озмудашудаи миллат побарҷо мондаанд
Дар Академияи миллии илмҳо бо намояндагони Корпоратсияи «Синергия» рушди инфрасохтори рақамӣ баррасӣ шуд
СИНАМОҶАШНВОРАИ БАЙНАЛМИЛАЛИИ «ТОҶИ СОМОН». Дар кинотеатрҳои ҷумҳурӣ беш аз 40 филм намоиш дода мешавад
Дар доираи Рӯзҳои синамои Қирғизистон дар Душанбе филмҳои «Шамбала» ва «Эсимда» намоиш дода мешаванд
Котиби иҷроияи Комиссияи иқтисодии СММ барои Аврупо дар Осорхонаи миллӣ бо тамаддуни тоҷикон шинос гардид
Ҳамкории илмӣ дар самтҳои зеҳни сунъӣ ва рақамикунонӣ бо намояндагони Чин баррасӣ карда шуд
