Эмомалӣ Раҳмон: «Тоҷикистон соҳаи энергетикаро яке аз авлавияти стратегии худ медонад»
ДУШАНБЕ, 4.12.2023 /АМИТ «Ховар»/. Тавре АМИТ «Ховар» қаблан иттилоъ дода буд, дуюми декабри соли равон Президенти Ҷумҳурии Тоҷикистон муҳтарам Эмомалӣ Раҳмон дар чорабинии сатҳи баланди Гурӯҳи кишварҳои рӯ ба тараққии маҳсур дар хушкӣ иштирок ва суханронӣ намуданд. Чорабинӣ дар ҳошияи Конфронси ҷонибҳои Конвенсияи қолабии Созмони Милали Муттаҳид оид ба тағйирёбии иқлим (СОР-28) дар Аморати Муттаҳидаи Араб баргузор шуд.
Сарвари давлат изҳор намуданд, ки истифодаи долонҳои нақлиётӣ ва транзитии минтақавӣ, ки ба талаботи Барномаи амали Вена ҷавобгӯ мебошад, қобили қабул буда, «ҷониби Тоҷикистон уҳдадориҳои худро ба муқаррарот ва тавсияҳои Барномаи амали Вена барои таҳкими пайванди он ба рушди инфрасохтори нақлиётӣ ва энергетикӣ ва мусоидат ба густариши тиҷорати зерминтақавӣ ва минтақавӣ равона месозад. Умед дорем, ки бозбинии ҳамаҷониба зимни Конфронси сеюми Созмони Милали Муттаҳид (2024) барои ҳалли эҳтиёҷоти кишварҳои рӯ ба тараққӣ ва ҷалби кумакҳои байналмилалӣ имкони муносиб фароҳам меорад. Ҳамчунин истифодаи мақсадноки иқтидори транзитии кишварҳои маҳсур дар хушкӣ барои дастрасии зудтар ба ҳадафҳои рушди устувор мувофиқ аст».
Президенти мамлакат ҳамчунин гуфтанд, ки истифодаи мақсадноки иқтидори транзитии кишварҳои маҳсур дар хушкӣ барои дастрасии зудтар ба ҳадафҳои рушди устувор мувофиқ мебошад.
Муҳтарам Эмомалӣ Раҳмон бо истифода аз минбари баланди ҷаҳонӣ оид ба талошҳои Ҳукумати мамлакат дар татбиқи усулҳои иқтисоди «сабз» ба роҳбарони давлатҳо маълумот дода, гуфтанд, ки «Тоҷикистон соҳаи энергетикаро яке аз авлавияти стратегии худ медонад. Неругоҳҳои обӣ, ки 98 фоизи неруи барқро дар Тоҷикистон тавлид месозанд, манбаи аслии энергияи «сабз» дар мамлакат ба шумор мераванд. Ҳукумати Тоҷикистон ҷиҳати ба роҳ мондани мувозинати тавлид ва истифодаи неруи барқ тавассути навсозӣ ва афзоиши иқтидори неругоҳҳои мавҷудаи худ тадбирҳои ҳамаҷониба меандешад».
Зимнан, аз тарафи Ҳукумати мамлакат «Стратегияи рушди иқтисоди «сабз» дар Тоҷикистон барои солҳои 2023-2027» қабул ва он мавриди амал қарор дода шудааст. Дар баробари ҳамин барои зиёд намудани ҳиссаи энергияи таҷдидшаванда дар давлатҳои рӯ ба тараққии маҳсур дар хушкӣ сармоягузории бештари кишварҳои мутараққӣ зарур аст.
Зимни суханронӣ муҳтарам Эмомалӣ Раҳмон аз роҳбарони давлатҳои рӯ ба тараққии маҳсур дар хушкӣ даъват намуданд, ки дар чорабиниҳои обии дарпешистода дар Душанбе фаъолона иштирок намоянд, аз ҷумла барои иштирок дар Конфронси хотимавии Даҳсолаи амал, ки соли 2028 дар Тоҷикистон баргузор мегардад, ба Душанбе ташриф оранд.
АКС: АМИТ «Ховар»
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
