НИШАСТИ МАТБУОТӢ. Теъдоди парвозҳои транзитӣ тавассути масири ҳавоӣ афзоиш ёфтааст
ДУШАНБЕ, 31.01.2024. /АМИТ «Ховар»/. Давоми соли 2023 хизматрасонии аэронавигатсионӣ дар филиалҳои Корхонаи воҳиди давлатии «Тоҷикаэронавигатсия», воқеъ дар шаҳрҳои Хуҷанд, Бохтар, Кӯлоб дар баробари аэродроми шаҳри Душанбе ба маротиб беҳтар гардида, дар ин фурудгоҳҳо таҷҳизот ва системаҳои аэронагиватсионӣ таҷдид шуданд. Ҳамчунин дар фурудгоҳҳои маҳаллии ноҳияи Мурғоб, шаҳри Хоруғ, ноҳияҳои Ванҷ ва Ҷиргатол таҷҳизоти метеорологӣ бо панелҳои офтобӣ насб гардид. Дар ин хусус ба хабарнигорони расонаҳои ватанӣ ва хориҷӣ имрӯз зимни нишасти матбуотии Корхонаи воҳиди давлатии «Тоҷикаэронавигатсия» иттилоъ дода шуд.
Ба иттилои роҳбарияти «Тоҷикаэронавигатсия», бо дастгирии Ҳукумати мамлакат соли 2023 байни Ҷумҳурии Тоҷикистон ва Ҷумҳурии Мардумии Чин хатсайри нав- ПОМИР-АГВУТ ифтитоҳ гардида, Созишномаи ҳамкорӣ байни марказҳои ноҳиявии Душанбе ва Урумчӣ ба имзо расид. Тибқи ин созишнома, таҷҳизоти зарурии аэронавигатсионӣ дастрас ва насбу васл шуд.
Дар баробари навсозии таҷҳизот ва системаҳои соҳавӣ роҳбарияти корхона дар доираи стратегияи дурбинонаи Ҳукумати мамлакат ба рушд ва тақвияти ҳамкорӣ бо кишварҳои ҳамсоя таваҷҷуҳи бештар зоҳир намуд. Дар натиҷа Созишнома оид ба ҳамкории дуҷониба ва ҳамоҳангсозӣ байни марказҳои ноҳиявии Душанбе ва Тошканд ва Созишнома оид ба ҳамкории дуҷониба ва ҳамоҳангсозӣ байни марказҳои ноҳиявии Душанбе ва Самарқанд ба имзо расиданд.
Ба имзо расидани ҳар ду Созишномаи ҳамкорӣ боиси таҳкими иқтидор ва имконоти фазои ҳавоии Тоҷикистон, таъмини бехатарии парвозҳо, афзоиш ёфтани парвозҳои транзитӣ аз масири ҳавоии мамлакат гардид. Дар натиҷаи навсозии таҷҳизот ва системаҳои аэронавигатсионӣ, кушода шудани хатҳои парвозии нав тавассути фазои ҳавоии Ҷумҳурии Тоҷикистон шумораи парвозҳои нақшавӣ ва транзитӣ аз ҷониби ширкатҳои ҳавопаймоии ватанӣ ва хориҷӣ давоми соли 2023 афзоиш ёфт. Соли сипаришуда теъдоди парвозҳои транзитӣ 2 ҳазору 360 адад ё ин ки 10 фоиз нисбат ба соли 2022 зиёд шудааст.
Мутахассисони Корхонаи воҳиди давлатии «Тоҷикаэронавигатсия» давоми соли 2023 баҳри такмили ихтисос ва бозомӯзӣ ба Федератсияи Русия, Ҷумҳурии Корея, Сингапур ва Ҷумҳурии Мардуми Чин фиристода шуданд. Ин тадбир ба сифатан беҳтар намудани хизматрасонии аэронагиватсионӣ дар фазои Ҷумҳурии Тоҷикистон мусоидат менамояд.
Акрам САНГЗОДА,
АМИТ «Ховар»
АКС: АМИТ «Ховар»
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
