Дар Душанбе дар мавзуи «Аҳамияти қабули Қонуни Ҷумҳурии Тоҷикистон «Дар бораи ҳифзи пиряхҳо» конференсияи ҷумҳуриявӣ доир шуд
ДУШАНБЕ, 17.02.2024 /АМИТ «Ховар»/. Дар Муассисаи давлатии илмии «Маркази омӯзиши пиряхҳои Академияи миллии илмҳои Тоҷикистон» дар мавзуи «Аҳамияти қабули қонуни Ҷумҳурии Тоҷикистон «Дар бораи ҳифзи пиряхҳо» ва доир ба Соли маърифати ҳуқуқӣ эълон гардидани соли 2024 конференсияи ҷумҳуриявии илмӣ – амалӣ доир гардид, хабар доданд ба АМИТ «Ховар» дар Маркази омӯзиши пиряхҳо.
Дар конференсия масъалаҳо доир ба аҳамияти қабули Қонуни Ҷумҳурии Тоҷикистон «Дар бораи ҳифзи пиряхҳо» дар раванди таҳқиқоти илми пиряхшиносӣ, шарҳи самтҳои асосии қонуни мазкур, омӯзиши таҷрибаи ҷаҳонӣ оид ба санадҳои меъёрӣ-ҳуқуқӣ оид ба ҳифзи пиряхҳо, тағйирёбии иқлим ва таъсири он ба пиряхҳо мавриди баррасӣ қарор дода шуданд.
Директори Маркази омӯзиши пиряхҳо Абдулҳамид Қаюмов гуфт, ки қабули ин қонун дастоварди назаррас ва тақозои замон буда, раванди фаъолияти сохторҳои марбутаро вобаста ба мавзуи муҳими рӯз, яъне ҳифзи пиряхҳо, истифодаи захираҳои оби пиряхҳо ва гузаронидани таҳқиқоти илмӣ дар пиряхҳо оид ба мониторинг ва коркарди бахши ҳифзи пиряхҳо муайян намудааст.
Гуфта шуд, ки сиёсати давлатӣ оид ба ҳифзи пиряхҳо ба ҳифз ва нигоҳдории пиряхҳо ҳамчун манбаъҳои стратегии захираҳои об барои манфиатҳои аҳолӣ, соҳаҳои иқтисодиёт, таъмини тавозуни устувори экологӣ, нигоҳдории макони зисти намудҳои нодир ва зери хатари нобудшавӣ қарордоштаи олами наботот ва ҳайвонот равона шудааст.
Дар конференсия ҳамзамон намояндагони Маҷлиси Олии Ҷумҳурии Тоҷикистон, ки таҳиягари асосии қонун мебошанд, дар бораи аҳамияти қабули қонуни Ҷумҳурии Тоҷикистон «Дар бораи ҳифзи пиряхҳо», инчунин намояндагон аз вазорати идораҳои соҳавӣ сухан намуданд.
Зимни муҳокимаи васеи илмӣ ҳамаи иштирокчиён ва баромадкунандагон имкон пайдо намуданд, ки дониш, фаҳмиш, таҷриба ва маҳораташонро оид ба масоили ҳифзи пиряхҳо ҷиҳати аҳамияти қабули Қонуни Ҷумҳурии Тоҷикистон «Дар бораи ҳифзи пиряхҳо» дар ҳамкорӣ амалӣ намоянд.
Раъно НУСРАТУЛЛО,
АМИТ «Ховар»
АКС: Маркази омӯзиши пиряхҳои Академияи миллии илмҳои Тоҷикистон»
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
ЭМОМАЛӢ РАҲМОН — ТАШАББУСКОРИ ҶАҲОНИИ МАЪРИФАТИ ҲУҚУҚӢ. Дар робита ба қабули қатъномаи Маҷмаи Умумии СММ дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Бахшида ба он «Муколамаи иқлимӣ барои ҷавонон» доир гардид
