35 СОЛИ ИСТИҚЛОЛИ ДАВЛАТӢ. Дар Бадахшон то охири соли 2024 270 иншоот ба истифода дода мешавад
ДУШАНБЕ, 13.04.2024 /АМИТ «Ховар»/. Дар доираи таҷлили сазовор аз 35-солагии Истиқлоли давлатии Тоҷикистон ва Солҳои рушди саноат (2022-2026) то охири соли 2024 дар Вилояти Мухтори Кӯҳистони Бадахшон 270 иншоот ба истифода дода мешавад. Ин нукта зимни ҷамъбасти натиҷаҳои рушди иқтисодиву иҷтимоии Вилояти Мухтори Кӯҳистони Бадахшон давоми се моҳи соли 2024 баён гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Иброз гардид, ки дар чаҳорчӯбаи Барномаи рушди иқтисодию иҷтимоии вилоят то ин муддат ба маблағи 2,1 миллиард сомонӣ корҳо анҷом ёфта, 54 иншоот мавриди истифода қарор гирифт. Имсол боз 36 иншоот бунёд мегардад.
Ҳамзамон гуфта шуд, ки саноат ва энергетика дар вилоят самти афзалиятнок ба ҳисоб рафта, давоми се моҳи соли 2024 корхона ва коргоҳҳои саноатии вилоят ба маблағи 39,5 миллион сомонӣ истеҳсоли маҳсулот ва хизматрасониро ба иҷро расониданд, ки нисбат ба ҳамин давраи соли 2023 19,6 фоиз ё 6,4 миллион сомонӣ зиёд мебошад.
Ҳоло дар шаҳру ноҳияҳои вилоят сохтмони 355 иншооти таъйиноти гуногун идома дорад. Дар байни онҳо иншооти стратегӣ, аз қабили қитъаҳои роҳи Душанбе-Хоруғ-Кулма аз маркази ноҳияи Дарвоз то даромадгоҳи ноҳияи Рӯшон ва мавзеи Барсеми ноҳияи Шуғнон, пули калон дар шаҳри Хоруғ, Неругоҳи барқи обии «Себзор» дар ноҳияи Роштқалъа бо маблағи 3,6 миллиард сомонӣ аз бузургтарин иншоот ба ҳисоб мераванд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Раиси шаҳри Душанбе Рустами Эмомалӣ ба сохтмони якчанд иншооти нави мақомоти корҳои дохилӣ санги асос гузоштанд
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Дар Ҷамоати шаҳраки Шарора корхонаҳои истеҳсоли хишт ва семент ба истифода дода мешаванд
Сарвари давлат Эмомалӣ Раҳмон рамзи «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ»-ро тасдиқ намуданд
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
НАҚШИ ПЕШВОИ МИЛЛАТ ДАР ТАҲКИМИ ИСТИҚЛОЛИ ДАВЛАТӢ БЕНАЗИР АСТ. Ва ё вазифае муҳимтар аз нигаҳдорӣ ва таҳкими истиқлолияти Тоҷикистон нест
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Модели Тоҷикистони навин — самараи таълимоти ҳуқуқии Пешвои миллат
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
