Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
ДУШАНБЕ, 25.04.2024 /АМИТ «Ховар»/. Президенти Академияи миллии илмҳои Тоҷикистон Қобилҷон Хушвахтзода бо ҳайати намояндагони Академияи илмҳои Чин ва Сафири Фавқулода ва Мухтори Ҷумҳурии Мардумии Чин дар Тоҷикистон мулоқот намуд. Дар ин хусус ба АМИТ «Ховар» дар Академияи миллии илмҳои Тоҷикистон хабар доданд.
Зимни мулоқот ҷонибҳо вобаста ба мустаҳкам намудани робитаҳои судманд, ташкили иштироки олимони тоҷик барои пешбурди таҳқиқоти илмӣ ва хондани маърузаҳо дар Академияи илмҳои Чин ва табодули таҷриба байни онҳо, ҳамзамон иштироки олимони ҷавони тоҷик дар лагерҳои тобистонаи таҳқиқотӣ ва мусоидат дар таҳсили донишҷӯёни тоҷик тавассути стипендияҳои ANSO, TWAS табодули афкор намуданд.
Президенти Академияи миллии илмҳо доир ба самтҳои афзалиятноки фаъолияти академия маълумоти мушаххас дод.
Таъкид шуд, ки ҳамкории судманд бо Академияи илмҳои Чин густариш ёфта, соли 2014 байни академияҳо созишнома ба имзо расид. Дар доираи ин созишнома соли 2016 дар Академияи миллии илмҳои Тоҷикистон Маркази таҳқиқотии экология ва муҳити зисти Осиёи Марказӣ ифтитоҳ ёфт, ки нахустин муассисаи илмии муштараки Тоҷикистон ва Чин мебошад.
Муассисони ин марказ Академияи миллии илмҳои Тоҷикистон ва Пажуҳишгоҳи экология ва ҷуғрофиёи Шинҷони Академияи илмҳои Чин мебошанд.
АКС: Академияи миллии илмҳои Тоҷикистон
Байни китобхонаҳои миллии Тоҷикистон ва Туркия Ёддошти тафоҳум ба имзо расид
Ҳайати ҳунарии Театри давлатии академии опера ва балет дар Операи Рим ҳунарнамоӣ менамояд
ҲУКУМАТИ ЭЛЕКТРОНӢ. Дар Китобхонаи миллии Тоҷикистон беш аз 3 миллион нусхаи чопӣ нигоҳдорӣ мешавад
РУШДИ ҲУНАРҲОИ МАРДУМӢ. Дар Тоҷикистон сабадбофӣ бо шакли муосир рушд меёбад
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Оид ба муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир конфронси байналмилалӣ доир шуд
Намояндаи Тоҷикистон дар Анқара дастовардҳои китобдорӣ ва рақамикунонии Тоҷикистонро муаррифӣ намуд
«ТОҶИКИСТОН». Таҳти чунин унвон дар Ҷумҳурии Арабии Миср маҷалла бо забони арабӣ нашр гардид
Китоби «Забони миллат – ҳастии миллат» бо 7 забон тарҷума ва нашр гардид
Дар шаҳри Дюсселдорф барномаи фарҳангии тоҷикон баргузор гардид
Дар Донишкадаи санъати театрии Русия намоиши театрии «Ҷавонии Мушфиқӣ» баргузор шуд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
