Тоҷикистон барои дорандагони шиносномаҳои умумишаҳрвандии хориҷии Туркия низоми раводид ҷорӣ намуд
![](https://khovar.tj/wp-content/uploads/2023/08/VKH-MID-Tadzhikistana-Tochikiston.jpg)
ДУШАНБЕ, 15.04.2024 /АМИТ «Ховар»/. Ҷумҳурии Тоҷикистон барои дорандагони шиносномаҳои умумишаҳрвандии хориҷии Туркия низоми раводид татбиқ менамояд, хабар доданд ба АМИТ «Ховар» дар Вазорати корҳои хориҷии Ҷумҳурии Тоҷикистон.
Дар Вазорати корҳои хориҷии Ҷумҳурии Тоҷикистон таъкид намуданд, ки бо истинод ба эзоҳи қарори Ҳукумати Ҷумҳурии Тоҷикистон аз 28 марти соли 2024 бо мақсади татбиқи принсипи муомила ба мисл, шуруъ аз 20 апрели соли 2024 низоми раводидӣ нисбат ба дорандагони шиносномаҳои умумишаҳрвандии хориҷии Туркия татбиқ мегардад.
Шаҳрвандони Туркия метавонанд раводиди Ҷумҳурии Тоҷикистонро аз сафорат ва консулгариҳои Ҷумҳурии Тоҷикистон дар хориҷа дастрас намоянд.
АКС аз манбаъҳои боз