Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд

Апрель 23, 2024 18:21

ДУШАНБЕ, 23.04.2024 /АМИТ «Ховар»/. Ҳадафи  яке аз лоиҳаҳои грантии Хазинаи Авруосиёии субот ва рушд мусоидат барои ноил шудан ба ҳадафҳои рушди миллии Ҷумҳурии Тоҷикистон тавассути мувофиқат байни нақшаҳои стратегӣ ва буҷетҳои миёнамуҳлат ба воситаи тавсеаи амалияи буҷети барномавӣ мебошад, ки рисолати он дар Душанбе ба охир расид. Дар ин хусус ба АМИТ «Ховар» дар маркази матбуоти ин хазина иттилоъ доданд.

Буҷети барномавӣ имкон медиҳад, ки байни хароҷот ва натиҷаҳои барномаҳои давлатии амалишаванда, ки дар асоси ҳадафҳои стратегӣ таҳия шудаанд, робитаи дақиқ таъмин шавад.

Лоиҳаи кумаки техникии «Вусъат додани татбиқи принсипҳои буҷаи барномавӣ» дар Ҷумҳурии Тоҷикистон, ки барои татбиқи он Хазинаи Авруосиёии субот ва рушд дар асоси бебозгашт ҷудо намудани 1,6 миллион доллари амрикоиро ба нақша гирифтааст, аз якчанд ҷузъҳо иборат аст. Аз ҷумла, бо маблағҳои Хазина заминаи зарурии меъёрии ҳуқуқӣ ба манфиати давлат ва системаи нишондиҳандаҳои ғайримолиявӣ барои васеъ ва баланд бардоштани сифати татбиқи буҷети барномаҳо таҳия карда мешавад. Кормандони вазорату идораҳое, ки ба равандҳои буҷетӣ машғул мебошанд, аз омӯзиш мегузаранд.

Татбиқи лоиҳа дар Тоҷикистон мутобиқати байни нақшаҳои стратегӣ ва буҷетҳои миёнамуҳлат, аз ҷумла тавассути гузариш аз принсипи маблағгузории нақшавӣ ба барномаи мақсаднокро, ки ба натиҷаи мушаххас нигаронида шудааст, афзоиш медиҳад.

Дар ҷараёни сафар ба Душанбе кормандони Хазинаи Авруосиёии субот ва рушд бо намояндагони Вазорати молия ва Вазорати рушди иқтисод ва савдои Ҷумҳурии Тоҷикистон якчанд вохӯрӣ доир намуданд. Вазъи ҷории иҷрои барномаҳои тасдиқшудаи буҷетӣ, тадбирҳои аввалиндараҷа барои тавсеаи татбиқи буҷети барномавӣ дар мамлакат ва баланд бардоштани сифати он мавриди баррасӣ қарор гирифтанд. Илова бар ин, бо шарикон аз институтҳои рушд гуфтушунид доир шуд, ки зимни он равишҳои ҳамкорӣ дар таҳияи буҷети барномавӣ дар Ҷумҳурии Тоҷикистон ва ҳамоҳангсозии амалҳои муштарак мушаххас карда шуданд.

Ҷумҳурии Тоҷикистон давлати муассиси Хазинаи Авруосиёии субот ва рушд маҳсуб мешавад. Давоми фаъолияти хазина барои тараққиёти мамлакат қариб 240 миллион доллар ҷудо карда шуд. Таҷдиди Неругоҳи барқи обии «Норак», таҷдиди шабакаҳои обёрӣ, барномаи “Корвони саломатӣ” барои пешгирии бемориҳо дар минтақаҳои душворгузар, дастгирии буҷет дар давраи пандемияи COVID-19, хароҷоти иҷтимоӣ ва ислоҳоти иҷтимоӣ-иқтисодӣ аз ҷумлаи ин лоиҳаҳо мебошанд.

АКС аз манбаъҳои боз

Апрель 23, 2024 18:21

Хабарҳои дигари ин бахш

МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон аз он изҳори нигаронӣ намуданд, ки соли 2023 дар Хатлон 900 гектар замини корами обӣ аз гардиши кишоварзӣ берун мондааст
Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
25 МАЙ-РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. «Тоҷикстандарт» ташхиси сифати молу маводро тибқи меъёрҳои замонавӣ таъмин менамояд
АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд