Ҳамкории Раёсати Вазорати корҳои дохилии Тоҷикистон дар Хатлон ва Департаменти бехатарии ҷамъиятии шаҳри Шанхайи Чин тақвият меёбад
ДУШАНБЕ, 27.05.2024. /АМИТ «Ховар»/. Зимни мулоқоти ҳайати Раёсати Вазорати корҳои дохилии Тоҷикистон дар вилояти Хатлон таҳти роҳбарии Шариф Назарзода ва ҳайати Департаменти бехатарии ҷамъиятии шаҳри Шанхайи Ҷумҳурии Мардумии Чин таҳти роҳбарии Сюй Ефэн Протокол оид ба тақвият додани ҳамкории дуҷониба ба имзо расонида шуд. Дар ин хусус ба АМИТ «Ховар» дар раёсати Вазорати корҳои дохилӣ дар вилояти Хатлон иттилоъ доданд.
Тибқи муқаррароти Протокол ва созиши бадастомада, аз ин пас давоми ҳар сол мулоқот ва сафарҳои расмӣ ва кории ҳайати намояндагони Раёсати Вазорати корҳои дохилӣ дар вилояти Хатлон ва Департаменти бехатарии ҷамъиятии шаҳри Шанхайи Ҷумҳурии Мардумии Чин ба давлатҳои ҳамдигар ташкил шуда, ҳамкорӣ дар ҳама самтҳои фаъолияти мақомоти корҳои дохилӣ вусъат меёбад.
Дар мулоқот инчунин масоили ҳамкории дуҷониба байни мақомоти милитсияи вилояти Хатлон ва политсияи шаҳри Шанхай дар самтҳои омӯзиши таҷрибаи ҳамдигар оид ба ҳамкорӣ ва робитаи мақомоти милитсия бо мардум, табодули таҷриба оид ба мубориза бар зидди ҷиноятҳои муташаккилона ва равандҳои террористиву экстремистӣ, ҳамкорӣ дар самти ҷиноятҳои киберӣ ва бозомӯзии кормандони милитсия баррасӣ гардид.
АКС: Раёсати Вазорати корҳои дохилии Тоҷикистон дар вилояти Хатлон
Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд
Дар Гулистон Слёти III байнидавлатии нозирони навраси ҳаракати давлатҳои аъзои ИДМ доир мешавад
Котиби Шурои амнияти Ҷумҳурии Тоҷикистон бо Сафири Ҷумҳурии Исломии Покистон мулоқот намуд
Дар Панҷакент 24 кг маводи мухаддир мусодира карда шуд
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
