Байни Вазорати энергетика ва захираҳои об ва Корпоратсияи байналмилалии молиявӣ Ёддошти тафоҳум ба имзо расид
ДУШАНБЕ, 01.06.2024 /АМИТ «Ховар»/. 30 май дар Вазорати энергетика ва захираҳои оби Ҷумҳурии Тоҷикистон байни Вазорати энергетика ва захираҳои оби Ҷумҳурии Тоҷикистон ва Корпоратсияи байналмилалии молиявӣ (International Finance Corporation) Ёддошти тафоҳум оид ба рушди энергияи гармӣ (геотермалӣ) ба тасвиб расид, хабар доданд ба АМИТ «Ховар» дар ин вазорат.
Зимни вохӯрӣ ҷонибҳо вобаста ба тавсеаи ҳамкорӣ байни Вазорати энергетика ва захираҳои оби Ҷумҳурии Тоҷикистон ва Корпоратсияи байналмилалии молиявӣ табодули афкор намуданд.
Вазири энергетика ва захираҳои оби Тоҷикистон Далер Ҷумъа иброз намуд, ки дар шароити тағйирёбии иқлим гузаштан ба энергияи гармидиҳӣ ва хунуккунии геотермалӣ алтернативаи муфид барои рушди устувори соҳаи энергетика мебошад. Дар ин раванд гузаштан аз энергияи гармии аз газ ва ангишт истеҳсолшаванда ба низоми геотермалӣ, яъне энергияи барқароршаванда муҳим арзёбӣ мегардад.
Вазири энергетика ва захираҳои об таъкид кард, ки “амалӣ намудани лоиҳаи рушди энергияи гармӣ (геотермалӣ) дар шаҳри Душанбе, ки бо иқдоми Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ инфрасохтори пойтахт сол ба сол рушд менамояд, саривақтӣ мебошад. Зеро дар шаҳри Душанбе талабот ба энергияи гармӣ дар фасли зимистон ва хунукӣ дар фасли тобистон зиёд аст”.
Намояндаи Корпоратсияи байналмилалии молиявӣ хонум Илҳем Саламон баён намуд, ки «бо истифода аз захираҳои геотермалии Тоҷикистон мо метавонем ояндаи устувор ва «сабз» эҷод кунем. Ҷорӣ гардидани ин лоиҳа метавонад вобастагӣ аз неруи барқи воридотиро коҳиш диҳад. Инчунин энергияи геотермалӣ ҳамчун энергияи «сабз», яъне аз ҷиҳати экологӣ тоза ба рушди устувори сайёра муфид мебошад».
Бояд гуфт, ки бо истифода аз гармии ядрои Замин энергияи геотермалӣ метавонад вобастагӣ аз истихроҷи маҳсулоти сӯзишворӣ ва воридоти неруи барқро коҳиш дода, муҳити зистро беҳтар намояд.
АКС: Вазорати энергетика ва захираҳои оби Ҷумҳурии Тоҷикистон
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
Дар Конфронси байналмилалии «Таҳаввулоти нақлиёт-2026» рушди инфрасохтори долонҳои нақлиётӣ баррасӣ шуд
Дурнамои нишондиҳандаҳои рушди иқтисодию иҷтимоии вилояти Суғд ва минтақаи Рашт муаррифӣ карда шуд
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Байни Ҳукумати Ҷумҳурии Тоҷикистон ва Созмони озуқаворӣ ва кишоварзии СММ Ёддошти тафоҳум ба имзо расид
