Дар Душанбе тавсеи ҳамкорӣ байни Маркази тадқиқоти стратегии Тоҷикистон ва Академияи илмҳои ҷамъиятии Чин баррасӣ гардид
ДУШАНБЕ, 23.06.2024. /АМИТ «Ховар»/. 21 июн дар доираи Конфронси байналмилалии «Тоҷикистон-Чин: ҳолат ва дурнамои шарикии ҳамаҷонибаи стратегӣ дар давраи нав» вохӯрии директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода бо ҳайати Пажуҳишгоҳи Русия, Аврупои Шарқӣ ва Осиёи Марказии Академияи илмҳои ҷамъиятии Чин таҳти роҳбарии директори институт Чин Сун Чжуанҷи баргузор гардид. Дар ин хусус АМИТ «Ховар» бо истинод ба маркази матбуоти МТС хабар медиҳад.
Директори Маркази тадқиқоти стратегӣ робитаҳои дӯстонаи Ҷумҳурии Тоҷикистон ва Ҷумҳурии Мардумии Чинро мусбат арзёбӣ намуда, таъкид кард, ки рушди минбаъдаи онҳо ҷавобгӯйи манфиатҳои ҳар ду мамлакат мебошад.
Мавсуф афзоиши бомароми ҳамкории илмии Маркази тадқиқоти стратегиро бо марказҳои таҳлилии Чин, аз ҷумла бо Академияи илмҳои ҷамъиятии Чин махсус таъкид намуд.
Директори Академияи илмҳои ҷамъиятии Чин Сун Чжуанҷи барои қабули самимӣ изҳори сипос намуда, ба сатҳи кунунии муносибатҳои илмию таҳлилии байни ду ниҳоди зеҳнӣ баҳои баланд дод ва изҳори итминон намуд, ки ҷонибҳо дар оянда барои таҳкими ҳамкории таҳлилӣ талош хоҳад намуд.
Илова бар ин, зимни мулоқот ҷонибҳо масъалаҳои ҳамкории дуҷониба дар доираи Ёддошти тафоҳум ва ҳамкорӣ байни Маркази тадқиқоти стратегии назди Президенти Ҷумҳурии Тоҷикистон ва Академияи илмҳои ҷамъиятии Чинро, ки 3 декабри соли 2019 ба имзо расонида шуда буд, мавриди баррасӣ қарор доданд.
Ба иттилои манбаъ, дар доираи конфронси байналмилалӣ силсилаи чорабиниҳо бо иштироки коршиносони масоили соҳаҳои гуногун ду мамлакат доир мегардад, ки онҳо то оғози конфронс идома хоҳанд ёфт.
Вохӯрию суҳбатҳо бо коршиносони соҳа, рӯйнамоии китобҳои ба нашр расонидаи Маркази тадқиқоти стратегӣ доир ба ҳамкорӣ, боздид аз ҷойҳои таърихию фарҳангӣ ва иншооти саноатии муштарак бунёдгардида, инчунин мубодилаи афкори коршиносони ватанию чинӣ низ ба нақша гирифта шудааст.
АКС: Хадамоти матбуотии Маркази тадқиқоти стратегии назди Президенти Ҷумҳурии Тоҷикистон
Иқтидори кишоварзии Тоҷикистон дар доираи Конфронси 35-уми минтақавии ФАО дар Душанбе муаррифӣ карда шуд
Имрӯз дар баъзе аз шаҳру ноҳияҳои Тоҷикистон боридани борони бошиддат ва жола дар назар аст
Дар Балҷувон иқдоми «300 рӯзи ободонӣ» эълон гардидааст
Дар ноҳияи Ҷалолиддини Балхӣ нақшаи истеҳсоли пилла барзиёд иҷро гардид
Имрӯз дар баъзе ноҳияҳои Тоҷикистон борони бошиддат меборад
«МАЛАКАҲОИ КАСБӢ». Дар Душанбе даври дуюми ин фестивали ҷумҳуриявӣ доир шуд
Ҳифзи Ватан дар ҳар давру замон вазифаи муқаддас ва пуршараф ба ҳисоб меравад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Суғд масъалаи содироти маҳсулоти Тоҷикистон ба Озарбойҷон баррасӣ шуд
ТАЪСИСИ 500 ҶОЙИ НАВИ КОРӢ. Созишномаи сармоягузорӣ оид ба истифодаи панелҳои офтобӣ ба имзо расонида шуд
ПУРСИДЕД, ҶАВОБ МЕДИҲЕМ. Чӣ тавр пеш аз сафар ба Русия тавассути барномаи RuID дархост фиристодан мумкин аст?
25 сол дар алоқа: оид ба ивазшавии наслҳо, рақамикунонӣ ва корҳои муҳими ба чашм ноаён
