Оид ба иҷрои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» муҳокимаи парлумонӣ баргузор шуд

Июнь 20, 2024 15:06

ДУШАНБЕ.20.06.2024/АМИТ «Ховар»/. Имрӯз бо ташаббуси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба сохтори давлатӣ ва худидоракунии маҳаллӣ доир ба масъалаи «Рафти иҷрои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» муҳокимаи парлумонӣ баргузор гардид. Дар ин хусус ба АМИТ «Ховар» дар Маҷлиси намояндагон хабар доданд.

Аз рӯи масъалаи рӯзнома дар назди вакилони Маҷлиси намояндагон узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба сохтори давлатӣ ва худидоракунии маҳаллӣ Ғайрат Азиззода сухан намуда, иброз дошт, ки парлумони доимоамалкунандаи касбӣ дар таърихи навини давлатдории тоҷик яке аз шохаҳои муҳимми ҳокимияти давлатӣ маҳсуб шуда, дар рушди босуботи иқтисодию иҷтимоӣ ва сиёсию фарҳангии Тоҷикистони тозаистиқлол туфайли қабули қонунҳо ва дигар санадҳои меъёрии ҳуқуқии ҷавобгӯ ба талаботи замони муосир ва такмилу таҳкими заминаҳои ҳуқуқии мамлакат саҳми бориз дорад.

Таъкид гардид, ки фаъолияти ин ниҳоди олии қонунгузор вобаста ба дигар шудани муносибатҳои ҷамъиятӣ мутобиқ карда шуда, барои танзими муносибатҳо дар ҳама самтҳои хоҷагии халқи мамлакат ҷиҳати расидан ба ҳадафи олии сиёсати давлат – расидан ба сатҳи шоистаи зиндагӣ мусоидат менамояд.

Иттилоъ дода шуд, ки Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимити давлатӣ» 17 майи соли 2004 қабул гардида, тартиби ташкил, ваколат ва фаъолияти мақомоти маҳаллии ҳокимияти давлатиро танзим мекунад. Қонуни конститутсионии мазкур аз 5 боб ва 41 модда иборат буда, ба он 11 маротиба (солҳои 2006, 2009, 2010, 2013, 2017, 2019, 2020, 2021 ва 2022) тағйиру иловаҳо ворид карда шудаанд.

Аз риоя ва иҷрои дурусти қонуни конститутсионии мазкур таъмини тараққиёти иҷтимоӣ ва иқтисодии маҳал, аз ҷумла буҷет, молия, идораи амволи давлатӣ, истифодаи оқилона ва самараноки замин ва дигар захираҳои табиӣ, кишоварзӣ, муҳофизати табиат, сохтмон, фарҳанг, ҳифзи иҷтимоӣ, умуман тамоми соҳаҳои хоҷагии халқи маҳалҳо вобастагӣ дорад.

Пас аз омӯзиши Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» вакилони кумита бо мақомоти давлатии дахлдор суҳбатҳо гузарониданд. Натиҷаҳо нишон медиҳанд, ки иҷрои Қонуни конститутсионӣ мушкилиҳо дорад. Яъне ихтилофи табиии манфиати дутарафа — марказ ва маҳал. Мушкилиҳои ҷойдошта танҳо дар ҳамбастагии Парламент бо мақомоти давлатии дахлдор бартараф карда мешаванд.

Дар назди ҳозирин ҳамчунин кормандони масъули дигари вазорат ва кумитаҳои дахлдори ҷумҳурӣ ибрози андеша намуданд.

Дар интиҳо иштирокчиёни муҳокимаи парлумонӣ ба саволҳо посух гуфта, қарор ва тавсияҳои парлумониро вобаста ба масъалаи рӯзнома қабул намуданд.

АКС: Маҷлиси намояндагони Маҷлиси Олии Ҷумҳурии Тоҷикистон

Июнь 20, 2024 15:06

Хабарҳои дигари ин бахш

Масъалаи тақвият бахшидани ҳамкории парлумонии Тоҷикистон ва Эрон дар Санкт-Петербург баррасӣ гардид
Равобити байнипарлумонии Тоҷикистон ва Ҳиндустон густариш меёбад
Раиси Маҷлиси намояндагон Маҳмадтоир Зокирзода дар ҷаласаи Шурои Ассамблеяи байнипарлумонии ИДМ иштирок намуд
Маҳмадтоир Зокирзода дар кори Анҷумани X парлумонии БРИКС дар шаҳри Санкт Петербург иштирок намуд
Маҳмадтоир Зокирзода дар ҷаласаи Шурои Ассамблеяи Байнипарлумонии давлатҳои ИДМ иштирок менамояд
Дар Маҷлиси намояндагон ҷаласаи ҳисоботӣ-интихоботии ташкилоти ибтидоии ҳизбии «Қонунгузор» доир гардид
Раиси Маҷлиси намояндагон Маҳмадтоир Зокирзода бо Сарвазири Ҷумҳурии Исломии Покистон Шаҳбоз Шариф мулоқот намуд
Ҳайати парлумонии Тоҷикистон дар ҷаласаи Созмони амният ва ҳамкорӣ дар Аврупо иштирок дорад
Дар Душанбе робитаҳои байнипарлумонии Тоҷикистон ва Арабистони Саудӣ баррасӣ гардид
Дурнамои ҳамкории байнипарлумонӣ байни Тоҷикистон ва Арабистони Саудӣ баррасӣ шуд
Имрӯз Иҷлосияи панҷуми Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор гардид
ВАҲДАТИ МИЛЛӢ — МАКТАБИ БУЗУРГИ ВАТАНДОРӢ. Дар Маҷлиси намояндагон бахшида ба Рӯзи Ваҳдати миллӣ ҳамоиш баргузор шуд