Президенти Гурӯҳи Бонки исломии рушд бо сохтмони иншооти Неругоҳи барқи обии «Роғун» шинос гардид
ДУШАНБЕ, 12.06.2024 /АМИТ «Ховар»/. 11 июн Президенти Гурӯҳи Бонки исломии рушд доктор Муҳаммад Сулаймон Ал-Ҷассер бо сохтмони Неругоҳи барқи обии «Роғун» шинос гардид, иттилоъ доданд ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон.
Гуфта шуд, ки доктор Муҳаммад Сулаймон Ал-Ҷассер баъд аз шиносоӣ бо Неругоҳи барқи обии «Роғун» ба сохтмони он баҳои баланд дод.
Бояд гуфт, ки қаблан аз ҷониби Тоҷикистон барои ҷалби маблағҳои Бонки исломии рушд баҳри сохтмони Неругоҳи барқи обии «Роғун» дархост гардида буд, ки он аз ҷониби ин бонк дастгирӣ ёфт. Дар ҳошияи вохӯрии Президенти Ҷумҳурии Тоҷикистон муҳтарам Эмомалӣ Раҳмон бо Президенти Гурӯҳи Бонки исломии рушд Созишнома оид ба татбиқи сохтмони Неругоҳи барқи обии «Роғун» ба маблағи 150 миллион доллар ба имзо расонида шуд.
Ёдовар мешавем, ки 10 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конфронси сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028» Президенти Гурӯҳи Бонки исломии рушд доктор Муҳаммад Сулаймон Ал-Ҷассерро ба ҳузур пазируфтанд.
АКС: Вазорати рушди иқтисод ва савдои Ҷумҳурии Тоҷикистон
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Вена брифинг оид ба омодагӣ ба Конфронси 4-уми оби Душанбе баргузор гардид
Раванди оби Душанбе – арсаи муҳим дар ҳалли мушкилоти ҷаҳонии об
Масоили маблағгузории идомаи сохтмони НБО –и «Роғун» баррасӣ гардид
ТАҒЙИРЁБИИ ИҚЛИМ. Пиряхҳои Тоҷикистон тақрибан 60 фоизи ҷараёни оби дарёҳоро таъмин менамоянд
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Соли 2025 ташаббусҳои глобалии Тоҷикистон дар соҳаи об ва ҳифзи пиряхҳо ба таври густурда муаррифӣ шуданд
НИШАСТИ МАТБУОТӢ. Корҳои сохтмонӣ дар Неругоҳи барқи обии «Роғун» қариб 60 дарсад ба анҷом расидаанд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
НЕРУГОҲИ «РОҒУН» — ТАМАДДУНИ ЗЕРИЗАМИНӢ. Андешаҳо дар бораи азамати ин иншооти аср
