РАВАНДИ ОБИ ДУШАНБЕ. Намояндаи парлумони Узбекистон: «Аз тағйирёбии иқлим занон бештар аз дигарон азият мекашанд»

Июнь 11, 2024 08:17

ДУШАНБЕ, 11.06.2024 /АМИТ «Ховар»/. Авҷ гирифтани муноқиша ва мухолифатҳо, тағйирёбии иқлим, кам шудани захираҳои об ва дигар бойигариҳои табиӣ инсониятро ба вазъи мураккаб рӯ ба рӯ кардааст. Аз ин мушкилот занон бештар аз дигарон азият мекашанд. Бинобар ҳамин ҳалли ин мушкилот бе ҳузури занон ғайриимкон аст. Чунин иброз дошт Раиси кумитаи парлумони Ҷумҳурии Узбекистон оид ба масъалаҳои занон ва баробарии гендерӣ Малика Қодирхонова зимни баргузории Форуми байналмилалии «Занон ва об», ки  дар ҳошияи Конфронси сеюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» 10 июн дар Кохи Наврӯз баргузор гардид.

Номбурда  изҳор дошт, ки «ҷомеаи ҷаҳонӣ кайҳо эътироф кардааст, ки дар идораи захираҳои обӣ, аз ҷумла об барои таъминоти хоҷагии деҳот, дастрасии баробар ба захираҳои обӣ ва назорат ба он занон бояд дар баробари мардон ҷалб карда шаванд. Санади сиёсӣ ва Рӯзномаи амал барои асри   ХХI, ки зимни Конфронси Созмони Милали Муттаҳид оид ба муҳити зист ва рушд моҳи июни соли 1992 дар Рио-де-Жанейро қабул шудааст, таъкид мекунад, ки занон дар истифодаи оқилонаи муҳити зист нақши ҳаётан муҳим доранд. Зарур аст, ки иштироки баробарарзиши онҳо дар қабули қарорҳо оид ба идораи захираҳои об, кам кардани сарбории занон ва духтарон таъмин карда шавад. Уҳдадориҳои гирифта тадриҷан дастрасии осон ва бехатарро ба оби нӯшокӣ барои ҳама муҳайё мекунанд».

— Ин дар навбати худ баҳри решакан кардани камбизоатӣ, васеъ кардани ҳуқуқ ва имконияти занон ва ҳифзи тандурустии одамон мусоидат менамояд. Аз ин лиҳоз мебояд самаранокии сохтори идораи маҷмуии захираҳои об дар ҳама сатҳҳо ба қадри зарурӣ баланд бардошта шавад, — таъкид кард Малика Қодирхонова.

АКС: АМИТ «Ховар»

Июнь 11, 2024 08:17

Хабарҳои дигари ин бахш

АРЗҲОИ ДӮСТӢ. Дар Хуҷанд Вохӯрӣ-Мулоқоти занони Тоҷикистон ва Чин доир мешавад
МАСЛИҲАТИ МУТАХАССИС. Истеъмоли тарбуз организмро аз нурҳои ултрабунафш ҳимоя мекунад
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Беморхонаи марказии шаҳри Турсунзода аз таъмири асосӣ бароварда шуд
Витаминҳо барои организми инсон чӣ аҳамият доранд?
Пешвои миллат: «Эҳтироми падару модар ва ба ҷо овардани хизмати онҳо беҳтарин савоб ва ба қавли бузургон баробар ба ҳаҷ кардан аст»
МАСЛИҲАТИ МУТАХАССИС. Истеъмоли зардолу камхуниро бартараф месозад
ИҚТИСОДИ «САБЗ». Намояндаи Ироқ Ҳотам Ҳусейн: «Шумораи зиёди электромобилҳо дар Душанбе аз тадбирҳои тоза нигоҳ доштани муҳити зист дарак медиҳад»
То Истиқлолияти давлатӣ дар Тоҷикистон ҳамагӣ 17 масҷид фаъолият дошта, шумораи онҳо имрӯз ба беш аз 4 ҳазор расидааст
Сарвари давлат: «То имрӯз беш аз 255 ҳазор шаҳрванди Тоҷикистон ҳаҷи фарзӣ ва зиёда аз 400 ҳазор умраро ба ҷо овардаанд»
Гурӯҳи кории шаҳри Душанбе бо сокинони ноҳияи Варзоб вохӯрии судманд баргузор намуд
Дар Душанбе ҷаласаи 3-юми аъзои Гурӯҳи кории бисёрҷониба барои баррасии Харитаи роҳ доир гардид