35-СОЛАГИИ ИСТИҚЛОЛИ ДАВЛАТӢ. Дар ноҳияи Сино майдончаи варзишӣ баъди навсозӣ ба истифода дода шуд
ДУШАНБЕ, 08.07.2024 /АМИТ «Ховар»/. Дар ноҳияи Синои шаҳри Душанбе аз ҷониби Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» баъди таъмиру навсозӣ майдончаи варзишии ҷавобгӯ ба талаботи замон ба истифода дода шуд. Дар ин хусус АМИТ «Ховар» бо истинод ба Бонки амонатгузории Ҷумҳурии Тоҷикистон «Амонатбонк» иттилоъ медиҳад.
Дар майдончаи варзишӣ корҳо бо сифати баланд иҷро шуда, масоҳати умумии қитъаи замини он 3500 метри мураббаъ ва масоҳати умумии сохтмон 2084 метри мураббаъро ташкил менамояд. Майдонча бо нишастгоҳ барои 500 нафар ва бо беҳтарин шароиту имкониятҳои тамрин барои бозиҳои футбол дар масоҳати 840 метри мураббаъ, варзиши сабук (давидан) дар масоҳати 470 метри мураббаъ ва волейбол пешбинӣ гардидааст.
Бо бунёди ин ва дигар иншооти варзишӣ, дар шаҳраку маҳаллаҳои пойтахт дар баробари фароҳам омадани шароити арзандаи истироҳату фароғати сокинон, тамрину ба варзиш машғул шудани ҷавонону наврасон, бозию дилхӯшии кӯдакон гӯшаҳои гуногуни пойтахт ободу зебо мегардад, ки ин аз ҳадафҳои созандаи Ҳукумати Ҷумҳурии Тоҷикистон дар самти мутобиқ намудани пойтахти мамлакат ба меъёрҳои муосири шаҳрсозӣ мебошад.
Инчунин бунёди иншооти варзишӣ ҷиҳати ташвиқу тарғиби тарзи ҳаёти солим ва оммавигардонии варзиш заминаи устувор мегузорад.
Шуруъ аз соли 2013 «Амонатбонк» дар ноҳияҳои Шоҳмансур ва Синои пойтахт 5 майдончаи варзишӣ сохта ба истифода додааст, инчунин майдончаҳои варзишӣ аз ҷониби бонк мунтазам тармиму таҷдид мегарданд.
АКС: КВД «Бонки амонатгузории Ҷумҳурии Тоҷикистон «Амонатбонк»
НИШАСТИ МАТБУОТӢ. Соҳибкорони шаҳри Кӯлоб ба маблағи 29 миллион сомонӣ иншооти таъйиноти гуногун сохтанд
НИШАСТИ МАТБУОТӢ. «Амонатбонк» бо мақсади дастгирии иҷтимоии аҳолӣ қарзҳои имтиёзнок — «Кишоварз», «Автоқарз», «Занҳои муваффақ» ва «Қарзҳои ипотекӣ»-ро пешниҳод кард
ҚУРБИ АСЪОР: дар Тоҷикистон 1 доллари ИМА аз 10.9423 то 10.9500 сомонӣ муқаррар шудааст
НИШАСТИ МАТБУОТӢ. Дар ноҳияи Данғара сохтмони 5 муассисаи томактабӣ оғоз мегардад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
35-СОЛАГИИ ИСТИҚЛОЛИ ДАВЛАТӢ. Дар шаҳри Истаравшан бинои маъмурии Прокуратураи шаҳр сохта мешавад
ҚУРБИ АСЪОР: дар Тоҷикистон 1 рубли русӣ аз 0.1158 то 0.1140 сомонӣ муқаррар шудааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ кӯдакистон ва Маркази фарҳангию фароғатӣ бунёд мешавад
ҚУРБИ АСЪОР: дар Тоҷикистон 1 евро аз 11.2975 то 11.3000 сомонӣ муқаррар шудааст
35-СОЛАГИИ ИСТИҚЛОЛИ ДАВЛАТӢ. Дар шаҳраки Зарафшон-2-и ноҳияи Айнӣ сохтмони Маркази варзишию солимгардонӣ оғоз ёфт
НИШАСТИ МАТБУОТӢ. Бахшида ба 35-солагии Истиқлоли давлатӣ дар ноҳияи Рашт 307 иншоот ба истифода дода мешавад
Таҳкими ҳамкории Бонки миллии Тоҷикистон бо Корпоратсияи байналмилалии молиявӣ баррасӣ шуд
