Шумораи аъзои Ҳизби Халқии Демократии Тоҷикистон дар шаҳри Душанбе беш аз 85,9 ҳазор нафарро ташкил медиҳад
ДУШАНБЕ, 10.08.2024 /АМИТ «Ховар»/. Шумораи аъзои Ҳизби Халқии Демократии Тоҷикистон дар шаҳри Душанбе 85958 нафарро ташкил дода, аз ин теъдод 43531 зан ва 33494 ҷавон мебошад. Танҳо дар нимсолаи аввали соли 2024 3588 шаҳрванд ба сафи ҳизб қабул гардид. Дар ин хусус 9 август раиси Кумитаи иҷроияи шаҳрии ҳизб Иброҳим Мирзозода зимни баргузории ҷаласа оид ба ҷамъбасти натиҷаҳои фаъолияти сохторҳои шаҳрии ҳизб дар шашмоҳаи якуми соли 2024 изҳор намуд.
Тавре ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Душанбе иттилоъ доданд, дар ҷаласа таъкид гардид, ки нимсолаи аввали соли 2024 ҳизбиёни пойтахт фаъолияти кории худро асосан ба корҳои ободониву созандангӣ, бунёдкорӣ, тозагиву озодагӣ ва сабзкориву хуррамгардонӣ равона намуданд.
Дар доираи ҳашари умумишаҳрӣ таҳти унвони «Шаҳри ман — хонаи ман» аъзо ва ҷонибдорони ҳизб дар пойтахт 12508 шанбегии оммавӣ баргузор намуда, дар рафти онҳо 24680 дарахту ниҳол ва 71 094 гули ороишии мавсимӣ шинониданд ва дар масоҳати 12,935 метри мураббаъ сабзкорӣ анҷом доданд.
Зимни ҷаласа иттилоъ дода шуд, ки айни ҳол тибқи маълумоти оморӣ, шумораи аъзои ҳизб дар ҳудуди шаҳри Душанбе 85958 нафарро дар бар мегирад, ки аз ин теъдод 43531 нафар ё 50,64%-и онро занон ва 33494 нафар ё 38, 96% -и онро ҷавонон ташкил медиҳанд. Танҳо дар нимсолаи якуми соли равон 3588 шаҳрванд ба сафи ҳизб қабул гардида, бо андешидани тадбирҳои зарурӣ дар пойтахт 36 ташкилоти ҳизбӣ таъсис дода шуд.
Сохторҳои шаҳрии ҳизб дар 6 моҳи аввали соли 2024 дар самти кор бо занон 573 чорабинии гуногунро бо фарогирии 45 ҳазору 417 нафар занону духтарон ва дар самти татбиқи сиёсати давлатии ҷавонон ва варзиш 958 чорабиниро бо фарогирии 61 ҳазору 211 нафар ҷавонон ва аҳли ҷомеа доир намуданд.
Дар идома Конференсияи ХХI ҳисоботӣ-интихоботии Кумитаи иҷроияи Ҳизби Халқии Демократии Тоҷикистон дар шаҳри Душанбе моҳи октябри соли 2024 даъват карда шуд.
Дар фарҷом аз рӯйи ҳамаи масъалаҳои баррасишуда қарорҳои дахлдор қабул гардиданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
Комиссияи Аврупо талаботро барои интиқолдиҳандагони хориҷӣ сахттар намуд
САДА АЗ ОМАДАНИ БАҲОР ВА АНҶОМИ САРМО БАШОРАТ МЕДИҲАД. Иқтибосҳо аз суханрониҳои Президенти Тоҷикистон
Покиву покизагии гирду атроф ва зеҳну қалбҳо яке аз ҷанбаҳои муҳими ҷашни Сада ба ҳисоб меравад
Эмомалӣ Раҳмон: «Сада дар радифи дигар ҷашнҳои миллии мо мероси маънавии пурбаҳое аз аҷдоди некномамон мебошад»
Фаъолияти Кумитаи иҷроияи Ҳизби Халқии Демократии Тоҷикистон дар шаҳри Душанбе натиҷагирӣ карда шуд
НИШАСТИ МАТБУОТӢ. Тафсири Қонуни Тоҷикистон «Дар бораи мақоми омӯзгор» кай омода ва нашр мегардад?
IRS: Ҳаракати тамоми нақлиёт дар роҳи мошингарди Душанбе- Чанок таъмин гардид
«ЭМОМАЛӢ РАҲМОН — БУНЁДГУЗОРИ ВАҲДАТИ МИЛЛӢ». Дар Тоҷикистон таҳти ин унвон озмуни ҷумҳуриявӣ доир мегардад
Соли 2025 табибони тоҷик беш аз 203 ҳазор амалиёти ҷарроҳии беморхонавӣ гузарониданд
Дар ноҳияи Бобоҷон Ғафуров сохтмони стансияи замонавии зиддижола вусъат меёбад
НИШАСТИ МАТБУОТӢ. Соли 2025 дар Тоҷикистон 113 муассисаи тиббӣ ба истифода дода шуд
ОГОҲӢ. Ҳаракати воситаҳои нақлиёт дар роҳи мошингарди Душанбе-Чанок муваққатан маҳдуд карда шуд
