Дар маҳаллаи Шарифободи шаҳри Хоруғ ҳавзҳои обсофкунӣ сохта шуданд
ХОРУҒ, 16.09.2024 /АМИТ «Ховар»/. Мақомоти иҷроияи ҳокимияти давлатии шаҳри Хоруғ дар ҳамкорӣ бо шарикони рушд дар маҳаллаи Шарифобод хати нави ташноб ва ҳавзи обсофкунӣ бунёд карданд.
Дар ин маҳалла 70 хонавода зиндагӣ мекунанд, ки дар охири солҳои 80-ум аз ҷойҳои зери хатари селу тарма ба ин макон кӯчонида шуданд. Онҳо давоми ин солҳо аз хати ташноб ва ҳавзи обсофкунӣ маҳрум буданд. Акнун дар доираи лоиҳаи устуворгардонии инфрасохтори шаҳр сокинон соҳиби чунин иншооти муҳими иҷтимоӣ гардиданд.
Яке аз масъулини лоиҳа Саидазиз Шоламов ба хабарнигори минтақавии АМИТ «Ховар» Файз Мирасан гуфт, ки «дар ҳавзҳои обсофкунӣ технологияи муосир насбу васл шудааст ва дастгоҳҳои обпарто муҳаррикҳои пуриқтидор доранд, ки ба таври автоматикӣ кор мекунанд. Стансияи насосҳои ташноб аз зарфи кабули оби партови маишӣ ва платформаи идоракунии тамғаи Вило иборат аст, ки ҳаҷми қабули оби партови зарф 3,43 метри мукааб буда, баробар ба панҷ дақиқаи корӣ аст».
Муовини Раиси шаҳри Хоруғ Файзулло Қодиров зимни суҳбат бо сокинони ин маҳалла гуфт, ки «барои ба муддати дароз фаъолият намудани хати ташноб ва ҳавзҳои обсофкунӣ сокинон бояд саҳм гузоранд. Иншоотро хуб нигоҳубин кунанд ва дар ҳоли хароб шудани қисмҳои техникӣ зуд ба масъулини соҳа муроҷиат намоянд, то чанд насли оянда бе мушкилӣ аз ин иншоот баҳра баранд».
Дар доираи лоиҳаи устуворгардонии инфрасохтори шаҳр васлу насби ин технологияи муосир дар назар дошта шудааст. Зеро дар марҳилаи нави созандагӣ дар шаҳри Хоруғ сохтмони даҳҳо биноҳои баландошёна, корхонаву коргоҳҳои саноатӣ, муассисаҳои таълимию тандурустӣ идома дорад, ки то ҷашни 35-солагии Истиқлоли давлатӣ мавриди истифода қарор дода мешаванд.
Ҳамзамон то ба истифода додани иншооти ҷашнӣ таъмиру навсозии хатҳои обу ташноб ва ҳавзҳои обсофкунӣ идома меёбад.
АКС: АМИТ «Ховар»
КВОТАИ ПРЕЗИДЕНТӢ. Тариқи он 653 нафар ҷавонони Бадахшон дар муассисаҳои таҳсилоти олии касбӣ таҳсил доранд
ДАРВОЗАИ ТИЛЛОИИ ТОҶИКИСТОН. Дар солҳои соҳибистиқлолӣ дар Бадахшон 250 километр роҳ, як нақб ва 26 пул ба истифода дода шуд
Дар доираи сафари кории Сарвари давлат дар Бадахшон 17 бунгоҳи тиббӣ ба истифода дода шудааст
Президенти Тоҷикистон вобаста ба таъмир ва сохтмони муассисаҳои нави таълимӣ дар Бадахшон дастур доданд
Сафари кории Сарвари давлат Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон ба анҷом расид
Дар Бадахшон 72 иншооти соҳаи тандурустӣ то ҷашни 35-солагии Истиқлоли давлатӣ бунёду навсозӣ мегардад
Эмомалӣ Раҳмон: «Дар солҳои соҳибистиқлолӣ аз ҳисоби буҷети ҷумҳуриявӣ беш аз 2,5 миллиард сомонӣ барои сари вақт пардохт намудани маошу нафақа ва ҳалли дигар масъалаҳои мубрами аҳолии ВМКБ маблағгузорӣ карда шудааст»
Пешвои миллат Эмомалӣ Раҳмон дар шаҳри Хоруғ бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Суханронии Президенти Ҷумҳурии Тоҷикистон Эмомалӣ Раҳмон дар варзишгоҳи шаҳри Хоруғ
Президенти Тоҷикистон Эмомалӣ Раҳмон дар шаҳри Хоруғ дар тантанаҳои ҷашни 33-солагии Истиқлоли давлатӣ иштирок ва суханронӣ намуданд
Сарвари давлат Эмомалӣ Раҳмон дар шаҳри Хоруғ ба ятимони кул туҳфаҳо тақдим намуданд
