Созишнома оид ба тартиби ҳамкорӣ дар минтақаи хизматрасонии ҳаракати ҳавоии Душанбе ва Тошканд ба имзо расид
ДУШАНБЕ, 17.09.2024 /АМИТ «Ховар»/. Дар натиҷаи мулоқоти намояндагони Корхонаи воҳиди давлатии /КВД/ «Тоҷикаэронавигатсия» ва роҳбарияти Корхонаи воҳиди давлатии Маркази «Узаэронавигатсия» Протоколи масъалаҳои баррасишуда ва Созишнома оид ба тартиби ҳамкорӣ дар минтақаи хизматрасонии ҳаракати ҳавоии Душанбе ва Тошканд ба имзо расид. Дар ин хусус ба АМИТ «Ховар» дар «Тоҷикаэронавигатсия» иттилоъ доданд.
Бо мақсади татбиқи нақшаҳои мувофиқашуда дар доираи Ёддошти ҳамкорӣ байни Корхонаи воҳиди давлатии «Тоҷикаэронавигатсия» ва Корхонаи воҳиди давлатии Маркази «Узаэронавигатсия» гурӯҳи кории «Тоҷикаэронавигатсия» ба Ҷумҳурии Узбекистон сафар намуда, бо фаъолияти Маркази «Узаэронавигатсия» аз наздик шинос шуд.
Ҷонибҳо инчунин масоили техникии долонҳои навро, ки аз ҳудуди Ҷумҳурии Узбекистон оғоз гардида, дар ҳудуди Ҷумҳурии Тоҷикистон дар нуқтаи «AGVUT» анҷом меёбад, баррасӣ намуданд. Долони нави ҳавоӣ аз ҷиҳати сарфаи вақт ва сӯзишворӣ барои истифодабарандагон муфид мебошад.
Дар идома маҳсулоти Корхонаи воҳиди давлатии «Тоҷикаэронавигатсия»- Системаи автоматикунонидаи банақшагирии парвозҳо ва дастовардҳои дар робита ба татбиқи PBN ноилгардида муаррифӣ шуданд.
Ҳамзамон гурӯҳи кории «Тоҷикаэронавигатсия» бо Хадамоти иттилоотии аэронавигатсионӣ ва Маркази омӯзишӣ-тамринӣ, ки дар бинои таълимии ширкати «Uzbekistan Airways» ҷойгир мебошад, шинос шуд.
АКС: «Тоҷикаэронавигатсия»
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
