Ваколатдор оид ба ҳуқуқи инсон дар Тоҷикистон дар конфронси сатҳи баланд дар Рим сухан гуфт
ДУШАНБЕ, 13.09.2024 /АМИТ «Ховар»/. 12 сентябр Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар шаҳри Рими Италия дар конфронси сатҳи баланд вобаста ба мавзуи «Нақши Омбудсмен ҳамчун ҳомии ҳуқуқи инсон» сухан гуфт. Дар ин хусус АМИТ «Ховар» бо истинод ба хадамоти матбуоти ин мақомот хабар медиҳад.
Дар ҳошияи конфронси сатҳи баланди байналмилалӣ дар шаҳри Рими Италия Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо Сардори раёсати муассисаҳои ислоҳии Вазорати адлияи Италия Андреа Беккарини, роҳбари департаменти имконияти баробари Шурои вазирони Италия Елена Паллони, Президенти Кумитаи байниидоравӣ оид ба ҳуқуқи инсони назди Вазорати корҳои хориҷии Италия Сабрина Уголинӣ, Ваколатдор оид ба ҳуқуқи инсони Италия Марино Фарделли, Ваколатдор оид ба ҳимоя аз табъизи Ҷумҳурии Булғористон Анна Ҷумалиева ва дигар ҳамтоён мулоқотҳои дуҷониба анҷом дод.
Зимни вохӯриҳо Умед Бобозода оид ба дастовардҳои Ҷумҳурии Тоҷикистон дар самти ҳифзи ҳуқуқи инсон, алалхусус дар мавриди қабули санадҳои муҳими самти ҳуқуқи инсон, аз ҷумла Стратегияи миллии ҳифзи ҳуқуқи инсон дар Ҷумҳурии Тоҷикистон то соли 2038, Қонуни Ҷумҳурии Тоҷикистон «Дар бораи баробарӣ ва манъи ҳама гуна шаклҳои табъиз» сухан гуфт.
Ҳамзамон оид ба масъалаҳои рӯзмарраи самти ҳуқуқи инсон табодули афкор доир шуд.
Мақомоти Ваколатдор оид ба ҳуқуқи инсон дар Ҷумҳурии Тоҷикистон ва сохторҳои гуногуни Италия барои ба роҳ мондани ҳамкории минбаъда ба мувофиқа расиданд.
АКС: Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон
Дар Хатлон қариб 2 тонна маводи тиббӣ ва дорувории муҳлати истифодааш гузашта нобуд карда шуд
Оид ба нақши муассисаҳои илмӣ ва олии таълимӣ дар фаъолияти ҳуқуқэҷодкунӣ конференсияи байналмилалӣ доир шуд
Дар ноҳияи Мастчоҳ гурӯҳи ҷавонони синни даъватӣ даври омӯзишии ронандагиро хатм намуданд
Дар Тоҷикистон баландшавии ҳолати ифлосшавии ҳавои атмосферӣ дар назар аст
«ҲУНАРМАНДИ СОЛ-2025». Дар Душанбе озмуни ҷумҳуриявӣ ҷамъбаст гардид
Дар Душанбе беш аз 40 далели аз меъёри муқарраргардида гарон ба фурӯш гузоштани маҳсулоти гӯштӣ ошкор карда шуд
Ҳамкории Тоҷикистон бо Финляндия дар самти таҳкими ниҳоди миллии ҳифзи ҳуқуқи инсон тақвият меёбад
«Барномаи давлатии рушди соҳаи тандурустӣ ва ҳифзи иҷтимоии аҳолии вилояти Хатлон барои солҳои 2021-2025» баррасӣ гардид
Муколамаи навбатии занони Осиёи Марказӣ дар Узбекистон баргузор мегардад
Дар Душанбе таҳти унвони «Занон, сулҳ ва амният» форум баргузор шуд
МУКОЛАМАИ ЗАНОНИ ОСИЁИ МАРКАЗӢ. Дар доираи он таҳти унвони «Занон, сулҳ ва амният» форум баргузор мегардад
ПАРЧАМ ВА ПАРЧАМДОРӢ ДАР ТАЪРИХИ ДАВЛАТДОРИИ ТОҶИКОН. Дар Академияи миллии илмҳои Тоҷикистон конференсия доир шуд
