Ҳайати парламентии Тоҷикистон дар Анҷумани байналмилалӣ дар Чин иштирок дорад
ДУШАНБЕ, 25.10.2024 /АМИТ «Ховар»/. Ҳайати салоҳиятноки Маҷлиси намояндагон ва Маҷлиси миллии Маҷлиси Олии Ҷумҳурии Тоҷикистон дар Анҷумани байналмилалии вакилони парламентҳои давлатҳои Осиёи Марказӣ, ки аз 20 то 31 октябр дар шаҳрҳои Пекин, Чэнду ва Урумчии Ҷумҳурии Мардумии Чин доир мегардад, иштирок дорад. Дар ин хусус ба АМИТ «Ховар» дар Маҷлиси намояндагон хабар доданд.
Анҷуман ҳамчун минбари муколамаи байнипарламентӣ дар рушди муносибатҳои мутақобили судманди давлатҳо нақши муассир дошта, дар кори он намояндагони ниҳодҳои қонунгузории давлатҳои ҷазиравии Уқёнуси Ором низ иштирок менамоянд.
Анҷуман аз чор симпозиум: «Ҳамкории мутақобили судманд, ҳамсафарони масири муосиркунонӣ», «Талошҳои созанда барои дарёфти тарҳҳои рушди демократия бо баҳрамандӣ аз таҷрибаи якдигар», «Мавқеи ошкоро ва талошофарин, бунёди муштараку босифати тарҳи «Як камарбанд, як роҳ» ва «Бо кумаки ҳамдигарӣ даст ёфтан ба сулҳу суботи пойдори минтақа» иборат буда, дар он маърузаҳои раисони кумитаҳо ва вакилони парламентҳои мамлакатҳо баррасӣ мешаванд.
Намояндагони Парлумони Тоҷикистон дар ҳошияи симпозиумҳо оид ба таҷрибаи қонунгузории миллӣ, амалияи қонунофарӣ, нақши ҳамкории байнипарламентӣ дар таҳкими низоми қонунгузорӣ ва ҳамоҳангсозии санадҳои меъёрию ҳуқуқии давлатҳо ба ҳуқуқи байналмилалӣ суханронӣ намуда, бобати тақвияти ҳамкорӣ пешниҳодҳои судманд манзур карданд.
Ҳамчунин дар доираи ҳамоиш вохӯрии ҳайатҳо бо раиси Кумитаи доимии Маҷлиси намояндагони халқии вилояти Сичуан, раиси Кумитаи доимии Маҷлиси халқии ноҳияи худмухтори Синзян- Уйғур дар назар аст.
Ёдовар мешавем, ки дар солҳои соҳибистиқлолӣ байни Маҷлиси Олии Ҷумҳурии Тоҷикистон ва парламентҳои давлатҳои дуру наздик, аз ҷумла Маҷлиси умумичинии намояндагони халқии Ҷумҳурии Мардумии Чин дар доираи фаъолият дар ассамблеяҳо ва иттиҳодҳои байнипарламентӣ равобити неку пурсамар ташаккул ёфта, гурӯҳҳои дӯстӣ ба ҳамкорӣ барои баҳрамандӣ аз таҷрибаи қонунэҷодкунии ҳамдигар, таҳияи лоиҳаҳои қонунҳои намунавӣ ва кӯшишҳо бобати танзими муносибатҳои нави ҳуқуқию ҷамъиятӣ таваҷҷуҳи хосса зоҳир менамоянд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар иҷлосияи дуюми Маҷлиси намояндагон ба якчанд қонун тағйиру илова ворид карда шуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Раиси Маҷлиси намояндагон бо Сафири Чин дар Тоҷикистон вохӯрӣ намуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
