Дар доираи татбиқи Барномаи давлатии рушди соҳаи геология ба Саридораи геология дастгоҳҳои замонавии рақамӣ дастрас гардид
ДУШАНБЕ, 15.10.2024 /АМИТ «Ховар»/. Дар доираи татбиқи «Барномаи давлатии рушди соҳаи геология барои солҳои 2021-2030» ба Саридораи геологияи назди Ҳукумати Ҷумҳурии Тоҷикистон дастгоҳҳои замонавии рақамӣ ворид карда шуд. Дар ин хусус ба АМИТ «Ховар» дар Саридораи геалогияи тоҷик хабар доданд.
Аз ҳисоби маблағҳои буҷети давлатии барои соли 2024 ҷудогардида аз Ҷумҳурии Мардумии Чин ба маблағи 2 миллион сомонӣ таҷҳизоти пармагарӣ, аз ҷумла дастгоҳи пармагарии муосир бо қудрати пармагарӣ то 200 метр умқи замин, 2 дастгоҳи пармагарии кофтани замин аз 400 то 1000 метр, ки барои гирифтани марза истифода бурда мешавад ва як пойгоҳи барқии 65 кВт харидорӣ гардиданд.
Дастгоҳҳои пармагарии каланковии тамғаи XY-4t барои корҳои иктишофӣ – геологӣ дар конҳои канданиҳои фоиданок истифода бурда мешаванд.
Пешбурди омӯзиши геологии дилхоҳ кони канданиҳои фоиданок ба техникаву таҷҳизоти замонавӣ ниёз дорад, ки мутахассисони соҳа аз онҳо васеъ истифода мебаранд.
Дар доираи барномаи давлатӣ давра ба давра ба корхонаҳои зертобеи Саридораи геология низ таҷҳизоти замонавӣ ва рақамӣ ворид мегарданд.
Инчунин дар самти чен кардани масофа, кунҷҳои уфуқӣ ва амудӣ дастгоҳи замонавии рақамӣ- тахеометр ворид гардид. Бо ин асбоб аксбардории автоматиро бе истифода аз нурафкан ба тарзи лазерӣ низ гузаронидан мумкин аст. Ин корҳои саҳроиро тақрибан 55 фоиз зиёд иҷро ва хавфи хатарро бартараф менамояд.
Дастрас гардидани чунин дастгоҳу техникаи муосир натиҷаи ғамхории роҳбарияти Ҳукумати мамлакат ба соҳаи геологияи тоҷик мебошад.
АКС: Саридораи геологияи назди Ҳукумати Ҷумҳурии Тоҷикистон
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
