Дар пиряхи Ванҷях пойгоҳҳои худкор насб карда шуданд
ДУШАНБЕ, 29.10.2024 /АМИТ «Ховар»/. Аз ҷониби Маркази омӯзиши пиряхҳои Академияи миллии илмҳои Тоҷикистон барои омӯзиш ва ҳифзи пиряхҳо дар қисмати ташаккулёбии пиряхи Ванҷях (собиқ Федченко) пойгоҳҳои худкори мушоҳидаҳои метеорологӣ насб карда шуданд.
Тавре ба АМИТ «Ховар» дар Маркази омӯзиши пиряхҳо хабар доданд, ин пойгоҳҳо имконият медиҳанд, ки минбаъд дар қисмати ғизогирии пиряхи Ванҷях мушоҳида, мониторинг ва арзёбии ташаккули равандҳои гидрометеорологӣ ва яхбандӣ омӯхта шуда, тамсилаи ташаккулёбии минбаъдаи он таҳия гардад.
Маълумоти аз пойгоҳҳо дастрасгардида инчунин барои омӯзиши шароити иқлимии минтақа, тағйирёбии онҳо, таъсири онҳо ба захираи пиряхҳо, арзёбии таъсири чанг ба таназзулёбии пиряхҳои Тоҷикистон ва минтақа ниҳоят муҳим арзёбӣ мегардад.
Бояд гуфт, ки бо пешниҳоди Президенти Тоҷикистон муҳтарам Эмомалӣ Раҳмон Маҷмаи Умумии Созмони Милали Муттаҳид бо қатъномаи махсус аз 14 декабри соли 2022 соли 2025 Соли байналмилалии ҳифзи пиряхҳо ва аз 13 августи соли 2024 солҳои 2025-2034-ро «Даҳсолаи амал барои барои илмҳои криосфера» эълон намуд.
Аз оғози соли 2025 минбаъд ҳар сол 21 март Рӯзи ҷаҳонии пиряхҳо таҷлил карда мешавад.
Соли 2025 дар шаҳри Душанбе Конфронси байналмилалии сатҳи баланд оид ба масъалаҳои ҳифзи пиряхҳо баргузор мегардад. Дар чаҳорчӯби ин конфронс стратегия, харитаи роҳ ва дигар санадҳои зарурии байналмилалӣ оид ба татбиқи чораҳои зарурии муштарак дар ҳалли масъалаҳои пешгирӣ аз обшавии босуръати пиряхҳо, ҳифзи пиряхҳо ва истифодаи самараноки онҳо дар сатҳи глобалӣ ва минтақавӣ ҳамчун манбаъҳои асосии обҳои мусаффои ошомиданӣ таҳия ва тасдиқ мешаванд.
Ҷумҳурии Тоҷикистон бо роҳбарии муҳтарам Эмомалӣ Раҳмон ҳамчун кишвари ташаббускор дар ҳалли масъалаҳои обу иқлим шинохта шудааст. Қабул гардидани Соли байналмилалии «Оби тоза, соли 2003», Даҳсолаи байналмилалии амал «Об барои ҳаёт, солҳои 2005-2015», «Соли байналмилалии ҳамкорӣ дар соҳаи об, соли 2013» ва Даҳсолаи байналмилалии амал «Об барои рушди устувор, солҳои 2018-2028» далели бебаҳси ташаббускории ҷумҳурии мо мебошад.
Тоҷикистон яке аз аввалинҳо шуда, барои фаъолсозии Фонди байналмилалии мақсаднок оид ба ҳифзи пиряхҳо саҳми молиявӣ гузоштааст.
Раъно НУСРАТУЛЛО,
АМИТ «Ховар»
АКС: Маркази омӯзиши пиряхҳои Академияи миллии илмҳои Тоҷикистон
Ҷаласаи 21-уми Шурои ҳамоҳангсози байнидавлатии роҳбарони мақомоти назорати суғуртавии ИДМ доир шуд
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст мегардад
Таҳкими ҳамкории гумрукӣ дар ҷаласаи коршиносони Шурои роҳбарони хадамоти гумруки ИДМ баррасӣ гардид
Намояндаи Тоҷикистон дар Форуми иқтисодии Авруосиё 2025 иштирок намуд
Дар Ню-Йорк масъалаи омодагӣ ба Конфронси оби СММ-2028 дар Душанбе баррасӣ гардид
Ҳамкории Институти масъалаҳои об, гидроэнергетика ва экологияи Тоҷикистон ва Донишгоҳи захираҳои табиӣ ва илмҳои амалии Австрия густариш меёбад
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Барои истифодаи сарфакоронаи неруи барқ дар шаҳру навоҳии тобеи ҷумҳурӣ корҳои фаҳмондадиҳӣ мегузаронанд
Дар Боку Форуми байналмилалӣ доир ба рушди омор оғоз гардид
ҲАҶМИ ИСТЕҲСОЛИ ГӮШТ ДАР ТОҶИКИСТОН 10 ФОИЗ ЗИЁД ГАРДИД. Чаро нархи гӯшт дар бозори истеъмолӣ пайваста боло меравад?
Ҷаласаи нуздаҳуми Кумитаи ҳамоҳангсоз оид ба содагардонии расмиёти савдо баргузор гардид
