«ИЛМ-ФУРӮҒИ МАЪРИФАТ». Донишҷӯёни Донишгоҳи техникии Тоҷикистон дар даври сеюми озмун соҳиби ҷойҳои намоён шуданд
ДУШАНБЕ, 01.10.2024 /АМИТ «Ховар»/. 8 донишҷӯи Донишгоҳи техникии Тоҷикистон ба номи Муҳаммад Осимӣ дар даври сеюми Озмуни ҷумҳуриявии «Илм- фурӯғи маърифат» ғолиби ду ҷойи якум, се ҷойи дуюм ва се ҷойи сеюм гардиданд.
Тавре АМИТ «Ховар» бо истинод ба ин донишгоҳ хабар медиҳад, магистранти курси 1-уми факултети механикӣ ва технологӣ Хушбахт Мирзовалиев дар номинатсияи «Ихтироъкорӣ ва навоварӣ», донишҷӯйи курси 2-юми факултети муштараки Донишгоҳи миллии техникии Беларус-Донишгоҳи техникии Тоҷикистон Шаҳриёр Иноятов дар номинатсияи «Физика ва астрономия» ғолиби ҷойҳои якум гардиданд.
Донишҷӯйи курси 4-уми факултети энергетикӣ Ҳотамҷон Замонов дар номинатсияи «Ихтироъкорӣ ва навоварӣ», докторанти PhD факултети сохтмон ва меъморӣ Бахтиёр Гулямов дар номинатсияи «Ихтироъкорӣ ва навоварӣ» ва донишҷӯйи курси 3-юми факултети технологияҳои рақамӣ, системаҳо ва ҳифзи иттилоот Сиёвуш Файзуллоев дар номинатсияи «Технологияи иттилоотӣ» ғолиби ҷойҳои дуюм гардиданд.
Донишҷӯйи курси 2-юми факултети муштараки Донишгоҳи миллии техникии Беларус-Донишгоҳи техникии Тоҷикистон Наврӯзшоҳ Камолзода дар номинатсияи «Ихтироъкорӣ ва навоварӣ», донишҷӯйи курси 3-юми факултети технологияҳои рақамӣ, системаҳо ва ҳифзи иттилоот Бинёмин Афроимов дар номинатсияи «Технологияи иттилоотӣ» ва донишҷӯйи курси 2-юми факултети сохтмон ва меъморӣ Шаҳзод Сангинзода дар номинатсияи «Химия» ғолиби ҷойҳои сеюм гардиданд.
28 сентябр ғолибони даври сеюми Озмуни ҷумҳуриявии «Илм-фурӯғи маърифат» дар чорабинии тантанавӣ аз тарафи Мақомоти иҷроияи ҳокимияти давлатии шаҳри Душанбе бо ҷоизаву Диплом ва туҳфаҳои пулӣ сарфароз гардонида шуданд.
Ёдовар мешавем, ки Озмуни ҷумҳуриявии «Илм-фурӯғи маърифат» ҳамасола бо ташаббус ва таҳти сарпарастии Президенти Тоҷикистон муҳтарам Эмомалӣ Раҳмон бо мақсади амалисозии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» баргузор мешавад.
Ҳадафи он рушди тафаккури техникӣ, тарғиби ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ ва пайвасти илм бо истеҳсолот буда, ҷалби бештари хонандагону донишҷӯён ба омӯзиши фанҳои риёзӣ, дақиқ ва табиӣ, ҳамчунин дарёфт ва муаррифии истеъдодҳои нав дар ин самтҳо мебошад.
АКС: АМИТ «Ховар»
Дар Душанбе конференсияи байналмилалии «Математика дар ҷаҳони муосир» баргузор шуд
«ФУРӮҒИ СУБҲИ ДОНОӢ КИТОБ АСТ». Имрӯз довталабони озмун барои «Шоҳҷоиза» рақобат менамоянд
Довталабони даври ниҳоии Озмуни ҷумҳуриявии «Фурӯғи субҳи доноӣ китоб аст» бо адибон вохӯрӣ намуданд
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
Дар Донишгоҳи давлатии Хуҷанд омӯзиши забони фаронсавӣ баррасӣ гардид
Дар Академияи идоракунии давлатӣ оид ба таҷдид ва рушди фарҳанги миллӣ машварати илмӣ баргузор шуд
Донишгоҳи давлатии Хуҷанд ва Донишгоҳи почта ва телекоммуникатсияи Чунсини Чин Ёддошти тафоҳум ба имзо расониданд
Дар Донишгоҳи давлатии тиҷорати Тоҷикистон Стратегияи муқовимат ба терроризм ва экстремизм дар Ҷумҳурии Тоҷикистон баррасӣ гардид
Донишгоҳи давлатии Бохтар бо Донишгоҳи Ҳамад ибни Халифаи Қатар ҳамкориро тақвият мебахшад
Ректорони донишгоҳҳои Тоҷикистон бо ректори Донишгоҳи Ҳамад ибни Халифаи Қатар вохӯрӣ намуданд
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Озмун сабқате ба манфиати ҷомеа, давлат ва миллат аст»
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
