«ЛИБОСИ МИЛЛӢ-СИМОИ МИЛЛАТ». Дар шаҳраки донишҷӯёни Донишгоҳи миллии Тоҷикистон ҳамоиш доир шуд
ДУШАНБЕ, 03.10.2024. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикитон барои гиромидошти арзишҳои миллӣ ва пос доштани симои дурахшони маънавии миллат дар шаҳраки донишҷӯёни Донишгоҳи миллии Тоҷикистон бо ҷалби мутахассисон ва донишҷӯёни фаъоли чанд муассисаи олии мамлакат таҳти унвони «Либоси миллӣ – симои миллат» ҳамоиш доир гардид. Дар ин хусус ба АМИТ «Ховар» дар Кумитаи кор бо ҷавонон ва варзиши ҷумҳурӣ хабар доданд.
Пеш аз оғози чорабинӣ байни иштирокчиён ва донишҷӯдухтарон ташаббуси омӯзишии «Либоси миллӣ-шинохти миллат» доир гардид, ки тавассути буклетҳои иттилоотӣ ба ҷавонон моҳияти либоси миллӣ ва арзишҳои фарҳангии миллат тавзеҳ дода шуд.
Зимни ҳамоиш иброз гардид, ки миллати куҳанбунёд ва соҳибтамаддуни мо дар мушкилтарин даврони таърихӣ низ ҳамеша симои дурахшони маънавияшро нигоҳ доштааст. Кӯшишҳои истилогарону барбарон ҳам натавонист ин симоро аз байн бубарад ва ё коста гардонад. Яке аз инҳо либоси миллӣ аст, ки дар баробари забонамон моро то имрӯз зинда нигоҳ доштааст ва миллатро дар ҷаҳон муаррифӣ менамояд.
Либоси миллии тоҷикон на бо як ранги сиёҳ ё сапед, балки бо ҳазорон ранг зебоии худро нишон медиҳад.
Дар анҷоми ҳамоиш аз ҷониби гурӯҳи ҷавонони фаъоли назди кумита чанд намуд либоси миллии занонаву мардона намоиш дода шуд, ки ба иштирокчиён таассуроти нек бахшид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
