Тоҷикистон ва вилояти Свердловск самтҳои асосии сайёҳиро муайян намуданд
ДУШАНБЕ, 31.10.2024. /АМИТ «Ховар»/. Сафари намояндагони Ҷумҳурии Тоҷикистон дар шаҳри Екатеринбурги вилояти Свердловск бо мақсади иҷрои муқаррароти Комиссияи байниҳукуматии Тоҷикистон ва Федератсияи Русия оид ба масъалаҳои иқтисодӣ ва вусъат бахшидани корҳои тарғиботию ташвиқотӣ тавассути муаррифии иқтидори сайёҳии мамлакат ва ба ин васила ҷалби бештари ҷаҳонгардон 27 октябр шуруъ шуда, имрӯз ба анҷом мерасад.
Тавре дар Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» хабар доданд, дар доираи сафар 30 октябр дар вилояти Свердловск Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод ва муовини губернатори вилояти Свердловски Федератсияи Русия Дмитрий Ионин вохӯрда, доир ба рушди сайёҳӣ байни Тоҷикистон ва Урали Миёна суҳбат намуданд.
Дар вохӯрӣ ҷонибҳо самтҳои ояндадори ҳамкориро дар соҳаи сайёҳӣ баррасӣ карданд. Тарафҳо оид ба мубодилаи иттилоот, ташкили хатсайрҳои муштарак ва ҷалби сайёҳон ба давлатҳои ҳамдигар изҳори ҳавасмандӣ намуданд.
Дар анҷоми вохӯрӣ ҷонибҳо оид ба таҳия ва баимзорасонии «Харитаи роҳ» барои рушди ҳамкорӣ дар соҳаи сайёҳӣ байни Кумитаи рушди сайёҳии Тоҷикистон ва вилояти Свердловски Федератсияи Русия ба мувофиқа расиданд.
Раиси Кумитаи рушди сайёҳии назди Ҳукумати Ҷумҳурии Тоҷикистон ҳамчунин бо раиси Ассотсиатсияи сайёҳии Урал вохӯрӣ анҷом дод.
Дар вохӯрӣ оид ба масъалаҳои густариши муносибатҳои дуҷониба дар соҳаи сайёҳӣ, ҳамкорӣ байни ширкатҳои сайёҳии ду давлат, омӯзиши таҷрибаи Федератсияи Русия, аз ҷумла вилояти Свердловск ва ҷалби сайёҳону сармоягузорон табодули афкор доир шуд.
Ҷонибҳо бо инобати боз ҳам зиёд намудани шумораи гардишгарон аз ҳарду ҷониб баимзорасонии санадҳои нави ҳамкориро бо ширкатҳои сайёҳӣ ва мақомоти дахлдор баррасӣ намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе Фестивали байналмилалии «Наврӯз — мероси фарҳангию ҷаҳонгардӣ» баргузор гардид
Дар Чин имкониятҳои сайёҳии Тоҷикистон муаррифӣ мешаванд
«ЧИЛДУХТАРОН». Табиати нотакрор ва чашмаҳою гиёҳҳои шифобахши ин мавзеъ шуҳрати беандоза дорад
Донишгоҳи байналмилалии сайёҳӣ ва соҳибкории Тоҷикистон ҷиҳати иштирок дар рейтинги ҷаҳонии донишгоҳҳои «сабз» қадамҳои устувор мегузорад
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Дар Душанбе Форуми IV байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор шуд
Нахустин хатсайри мустақими ҳавоии Бишкек-Хуҷанд-Бишкек фаъол гардид
Имкониятҳои сайёҳии шаҳри Душанбе барои намояндагони соҳаи сайёҳӣ, ВАО ва блогерони ҷазираи Киши Эрон муаррифӣ карда шуданд
Донишҷӯёни муассисаҳои олӣ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
Тамошои дастҷамъонаи кормандони сохторҳои шаҳри Душанбе аз толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо» идома дорад
Аъзою кормандони ҲХДТ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
