Ҳайати Тоҷикистон дар ҷаласаи Шурои байнидавлатӣ оид ба ҳамкорӣ дар соҳаи илмӣ-техникӣ ва инноватсионии ИДМ иштирок намуд
ДУШАНБЕ, 11.11.2024. /АМИТ «Ховар»/. 6-7 ноябри соли 2024 дар шаҳри Остона ҷаласаи 34-уми Шурои байнидавлатӣ оид ба ҳамкорӣ дар соҳаи илмӣ-техникӣ ва инноватсионии Иттиҳоди Давлатҳои Мустақил баргузор гардид, ки дар он ҳайати Тоҷикистон таҳти роҳбарии муовини Вазири рушди иқтисод ва савдо-узви Шуро Рухшона Насриддинзода иштирок намуд.
Тавре ба АМИТ «Ховар» дар Вазорати рушди иқтисод ва савдо хабар доданд, дар ҷаласа масъалаҳои калидӣ вобаста ба тақвияти ҳамкории илмӣ-техникӣ ва инноватсионӣ байни кишварҳои Иттиҳоди Давлатҳои Мустақил баррасӣ шуданд. Ҳайати Тоҷикистон дар мавриди вазъи кунунии соҳаҳои илм, технология ва инноватсия гузориш дода, дастовардҳо, мушкилот ва дурнамои рушди минбаъдаро барои таҳкими устувории иҷтимоӣ-иқтисодии минтақа таъкид намуд.
7 ноябр ҳайати Тоҷикистон дар конфронси байналмилалии илмӣ-амалӣ таҳти унвони «Иқтидори инноватсионии Иттиҳоди Давлатҳои Мустақил: таҷрибаи беҳтарини истифодаи натиҷаҳои фаъолияти илмӣ-техникӣ дар бахшҳои воқеии иқтисод ва соҳаи иҷтимоӣ» иштирок намуд. Дар конфронс намунаҳои муваффақи ҷорӣ намудани инноватсия дар иқтисод ва бахшҳои иҷтимоии кишварҳои Иттиҳоди Давлатҳои Мустақил баррасӣ шуданд.
Таъкид гардид, ки Тоҷикистон ба ҳамкории фаъолона ва мубодилаи таҷриба дар соҳаи таҳқиқоти илмӣ ва инноватсия омода аст, зеро он ба афзоиши иқтисодӣ ва ҳамгироии инноватсионӣ дар раванди рушди минтақавӣ мусоидат менамояд.
АКС: Вазорати рушди иқтисод ва савдои Ҷумҳурии Тоҷикистон
Ҷаласаи Ситоди байниидоравӣ оид ба пешгирии таъсири хавфҳои эҳтимолӣ ба иқтисодиёти миллӣ баргузор шуд
Huawei — пешсафи бозори ҷаҳонӣ
Ҷаласаи навбатии Шурои ҳамоҳангсозии фаъолияти мақомоти санҷишӣ доир шуд
Соли равон гардиши мол байни Тоҷикистону Русия 19,8% афзуд
Ҳаҷми гардиши савдои хориҷии вилояти Суғд ба беш аз 2 миллиард доллари ИМА расонида шуд
Соҳибкорону саноатчиёни Вилояти Мухтори Кӯҳистони Бадахшон қадрдонӣ гардиданд
Дар Бонки миллии Тоҷикистон масъалаи татбиқи лоиҳаи Корпоратсияи Байналмилалии Молиявӣ (IFC) баррасӣ гардид
Намояндаи Тоҷикистон дар ҷаласаи Шурои маъмурии Ташкилоти патентии Авруосиёӣ иштирок намуд
Дар шаҳри Турсунзода аз 4504 кг ангури хушккардашуда 1126 кг мавизи хушсифат истеҳсол намуданд
Ҳамкории иқтисодии Тоҷикистон ва Тотористон тақвият меёбад
Дар шаҳри Исломобод Форуми соҳибкорони Тоҷикистон ва Покистон баргузор гардид
Дар Рӯзи кормандони соҳаи энергетика фаъолони соҳа қадрдонӣ шуданд
