Вазорати корҳои хориҷии Ҷумҳурии Тоҷикистон барои ишғоли ҷойҳои кории холӣ озмун эълон менамояд

ДУШАНБЕ, 08.11.2024 /АМИТ «Ховар»/. Вазорати корҳои хориҷии Ҷумҳурии Тоҷикистон барои ишғоли мансабҳои холии маъмурии хизмати давлатӣ озмун эълон менамояд.

Тавре ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд, довталабон ба кор ба мансабҳои холии котиби сеюми раёсати персонализатсияи сарраёсати консулӣ, котиби дуюми шуъбаи муассисаҳои хориҷии  сарраёсати консулӣ , котиби дуюми шуъбаи ҳалли масъалаҳои ҳудудӣ ва сарҳадӣ, котиби якуми раёсати хизматрасониҳои консулии сарраёсати консулӣ, котиби якуми раёсати персонализатсияи сарраёсати консулӣ , котиби якуми шуъбаи тадқиқоти стратегии раёсати тадқиқоти стратегӣ, котиби якуми шуъбаи масъалаҳои ҳуқуқии амнияти байналмилалии раёсати шартномавӣ – ҳуқуқӣ, мушовири раёсати персонализатсияи сарраёсати консулӣ, мушовири шуъбаи таъминоти ҳуқуқии сарраёсати консулӣ ва  мушовири шуъбаи муассисаҳои хориҷии раёсати кадрҳо даъват карда мешаванд.

Довталабон метавонанд ҳуҷҷатҳоро то 10 декабри соли 2024 ба вазорат равон намоянд.

Маълумоти муфассалро метавон дар сомонаи Вазорати корҳои хориҷии Ҷумҳурии Тоҷикистон дастрас намуд.

Телефонҳо барои гирифтани маълумоти иловагӣ: 221-15-61, 221-15-16, 227-54-56

АКС: Вазорати корҳои хориҷии Ҷумҳурии Тоҷикистон