ТАЪМИНИ АМНИЯТИ ОЗУҚАВОРӢ. Дар шаҳри Панҷакент ба маблағи беш аз 2,1 миллиард сомонӣ маҳсулоти кишоварзӣ истеҳсол шуд
ДУШАНБЕ, 26.01.2025 /АМИТ «Ховар»/. Соли 2024 дар шаҳри Панҷакент ба маблағи беш аз 2,1 миллиард сомонӣ маҳсулоти кишоварзӣ истеҳсол гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимити давлатии шаҳри Панҷакент.
Ин омор нисбат ба соли 2023 250,6 миллион сомонӣ зиёд буда, афзоиш 113 фоизро ташкил медиҳад.
Соли 2024 дар ҳама шаклҳои хоҷагидорӣ дар майдони 30923,8 гектар зироати кишоварзӣ кишт шуд, ки нисбат ба соли 2023 1911 ё 6,6 фоиз зиёд мебошад.
Зироати асосӣ — картошка дар майдони 5546,7 гектар кишт шуд, ки нисбат ба соли 2023 128,1 фоизро ташкил дода, истеҳсоли он соли 2024 ба 77,8 ҳазор тонна расонида шуд. Ин нисбат ба соли 2023 3614 тонна ё 104,9 фоиз зиёд мебошад.
Дар ин сол инчунин истеҳсоли маҳсулоти ғалладонагӣ, картошка, сабзавот, полезӣ, мева, ангур, гӯшт, шир, тухм, пашм, пилла, асал ва моҳӣ афзоиш ёфтааст. Аз ҷумла, нисбат ба соли 2023 истеҳсоли ғалладонагиҳо 14,4 фоиз, картошка 4,9 фоиз, сабзавот 12,2 фоиз, полезӣ 14,3 фоиз, мева 35,6 фоиз, ангур 1,8 баробар, гӯшт 3,8 фоиз, шир 9,6 фоиз, тухм 36,3 фоиз, пашм 3,5 фоиз, асал 6 фоиз ва моҳӣ 3,2 фоиз зиёд шудааст.
Дар мавсими сабзазоркунӣ 76 ҳазору 478 дарахт шинонида шуд, ки ин нишондиҳанда 103 фоизи нақшаро ташкил медиҳад.
Ба ҳолати 1 январи соли 2025 дар майдони 2758 гектар кишти тирамоҳӣ гузаронида шуд, ки 109,8 фоизи нақшаро ташкил медиҳад.
Ҳоло дар шаҳри Панҷакент 110 гармхонаи доимӣ дар масоҳати 33,1 ҳазор метри мураббаъ барои парвариши лимӯ, помидор, бодиринг, кабудӣ ва гул фаъолият дошта, нисбат ба ҳамин давраи соли гузашта 105 адад зиёд мебошад. Соли 2024 дар ҳамкорӣ бо шарикони рушд 85 гармхонаи тиҷоратӣ ва оилавӣ ба истифода дода шуд.
АКС: Мақомоти иҷроияи ҳокимияти давлатии шаҳри Панҷакент
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
