Байни вазоратҳои корҳои хориҷии Тоҷикистон ва Словения машваратҳои сиёсӣ баргузор гардиданд
ДУШАНБЕ, 14.02.2025 /АМИТ «Ховар»/. 12 феврал дар шаҳри Душанбе машваратҳои сиёсии байниидоравӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Словения баргузор гардиданд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, ҳайати ҷониби Тоҷикистонро муовини якуми Вазири корҳои хориҷӣ Исматулло Насредин ва ҷониби Словенияро котиби давлатии Вазорати корҳои хориҷӣ ва умури аврупоии Словения Марко Штучин роҳбарӣ намуданд.
Зимни машваратҳо, ки маротибаи нахустин баргузор шуданд, масъалаҳои муносибатҳои дуҷониба ва бисёрҷонибаи Тоҷикистон ва Словения, ҳамкорӣ дар доираи Иттиҳоди Аврупо ва дар чаҳорчӯби созмонҳои байналмилалӣ, инчунин дигар мавзуъҳои мавриди эҳтимоми тарафайн муҳокима гаштанд.
Дар анҷоми вохӯрӣ ҷонибҳо барои густариши ҳамкорӣ, тақвияти тамосҳои мустақим, таҳкими пояи қарордодӣ-ҳуқуқӣ ва афзоиши гардиши мол байни Тоҷикистон ва Словения изҳори омодагӣ намуданд.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон бо мушовири Президенти Федералии Австрия оид ба сиёсати хориҷӣ мулоқот намуд
Конфронси чоруми Душанбе дорои хусусияти фарогир, амалӣ ва ба оянда нигаронида хоҳад буд
Сироҷиддин Муҳриддин бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуд
Дар Ню-Йорк бо ибтикори Тоҷикистон бахшида ба Рӯзи ҷаҳонии пиряхҳо ҳамоиш баргузор гардид
Ҳайати Тоҷикистон дар чорабинии сатҳи баланд бахшида ба Рӯзи ҷаҳонии об дар Ню-Йорк иштирок намуд
Дар Сеул китоби «Анъанаҳои Наврӯз дар масири Шоҳроҳи абрешим» рӯнамоӣ гардид
Раванди оби Душанбе табодули афкор ва назарҳоро дар бораи нақши захираҳои об таъмин менамояд
Дар Донишгоҳи Ҳирошима Ҷашни байналмилалии Наврӯзро таҷлил намуданд
Ҳамкории Тоҷикистон бо сохтори СММ оид ба масоили коҳиши офатҳои табиӣ баррасӣ гардид
Намояндаи доимии Тоҷикистон бо мудири кулли ЮНЕСКО мулоқот намуд
Дар Москва ҷашни байналмилалии Наврӯзро бо шукуҳу шаҳомати хосса таҷлил намуданд
Муаррифии Тоҷикистон дар Намоишгоҳи байналмилалии китоб дар шаҳри Минск идома дорад
